web counter
LEXO PA REKLAMA!

SHKARKO APP

App Store
Google Play

“Një nga projektet më të mëdha në rajon”/ Rama dhe Balluku inspektojnë Parkun Fotovoltaik “Blue 1”

22 Shkurt 2025, 15:25, Politikë CNA

“Një nga projektet më të mëdha në rajon”/

Ministrja e Infrastukturës dhe Energjisë, Belinda Balluku, ka inspektuar punimet në Parkun Fotovoltaik “Blue 1” në Fier. Balluku, e cila ishte së bashku me kryeministrin Rama, tha se ky park është një nga projektet më të mëdha për prodhimin e energjisë diellore.

Ministrja gjithashtu tha se ka nisur faza e dytë për aplikimet e paneleve diellore dhe aktualisht janë 2000 njësi të disponueshme.

 

“Këtu jemi në parkun 'Blue 1', një projekt i financuar nga investitori privat prej 50 megavat MWh, i vendosur në një sipërfaqe 78 hektarë dhe në funksion të plotë, duke nisur nga maji i vitit 2024. Nga 2024 dhe deri më sot ka prodhuar 77 mijë megavat MWh. Është një nga projektet më të mëdha edhe në rajon, për sa u përket projekteve të prodhimit energjetik diellor të vetëfinancuar dhe për të thënë të drejtën është kthyer në një nga projektet shembull për të gjithë sektorin energjetik shqiptar, duke qenë se pas këtij projekti ne kemi pasur shumë aplikime të tjera dhe një pjesë e tyre janë miratuar, një pjesë e mirë kanë nisur nga puna.

Ndërkohë, kryeministër diçka shumë të rëndësishme që do të donim të rikujtonim, është gjithë pjesa e shtimit të kapaciteteve në energjinë e rinovueshme në Republikën e Shqipërisë, bazuar në eficiencën e energjisë, kështu që u kujtojmë të gjithë qytetarëve që kemi nisur fazën e dytë për aplikimet e paneleve diellore. Kemi 2000 njësi të disponueshme dhe ashtu siç patëm sukses në thirrjen e parë, shpresojmë shumë që këto 2000 njësi të ezaurohen sa më parë dhe të përdoren nga qytetarët për ngrohjen e ujit, duke ulur kështu 20-30% të faturave”, shpjegoi zv/kryeministrja e ministrja e Infrastrukturës dhe Energjisë, Belinda Balluku./ CNA





Lajmet e fundit nga