Rreth orës 08:40, në lagjen nr. 10, Korçë, një automjet ti...
Ngjela i del në mbrojtje Metës/ "Na turpëruan ndërkombëtarisht këta injorantë"
5 Qershor 2022, 15:12, PolitikëCNA
Avokati Spartak Ngjela
Avokati Spartak Ngjela i ka dalë në mbrojtje Presidentit Ilir Meta, pasi ky i fundit nga Stambolli firmosi live dekretin për shkarkimin e gjeneralit Barjam Begaj.
Në një postim në rrjetet sociale, Ngjela shkruan se akti juridik është kryer në ambasadën e Shqipërisë në Turqi.
Sipas tij, çdo territor i ambasadës shqiptare në çdo vend të huaj është ekstraterritor i shtetit shqiptar. Dhe çdo ambasadë e huaj me selinë e vet në Tiranë, nuk është juridikisht territor shqiptar, sepse ajo ka ekstraterritorialitetin e shtetit që e ka dërguar.
“Dekreti i Metës për shkarkimin e gjeneralit Barjam Begaj, edhe pse Meta është jashtë Shqipërisë, juridikisht dekreti është bërë dhe është firmosur në territorin e Republikës së Shqipërisë.
Sepse akti juridik është kryer në ambasadën e Shqipërisë në Turqi.
Asnjë normë kryesore të së Drejtës Ndërkombëtare nuk njohin injorantët që kanë drejtuar Shqipërinë, kur thonë se Presidenti Meta e ka firmosur dekretin e tij dje, jashtë territorit shqiptar.
Ç'janë këta injorantë që nuk e njohin ekstraterritorialitetin si normë kryesore të së Drejtës Ndërkombëtare!
Çdo territori i ambasadës shqiptare në çdo vend të huaj është ekstraterritor i shtetit shqiptar. Dhe çdo ambasadë e huaj me selinë e vet në Tiranë, nuk është juridikisht territor shqiptar, sepse ajo ka ekstraterritorialitetin e shtetit që e ka dërguar.
Është kjo normë e së Drejtës Ndërkombëtare që u jep diplomatëve imunitetin diplomatik.
Kjo është në fakt e Drejta Ndërkombëtare.
Edhe ambasada e Shqipërisë në Turqi, juridikisht, është ekstraterritor i shtetit shqiptar.
Na turpëruan ndërkombtarisht këta injorantë që nuk njohim normën kryesore të së drejtës ndërkombëtare.
Po pse, ju mendoni se hyrja e shqiptarëve në ambasadën gjermane në vitin 1989- 1990 dhe që nuk shkoi Sigurimi i Shtetit dhe Ramiz Alia t'i merrte këta persona, ishte mëshira e Ramizit? Hahahaha
Jo ore jo, se Ambasada Gjermane në Tiranë, me ekstraterritorialitet, quhet ekstraterritor gjerman në Shqipëri dhe është nën juridiksionin e Gjermanisë. Shkelja me dhunë e këtij territorit është gjendje lufte.
E pra, dekreti i Presidentit Ilir Meta për shkarkimin e gjeneralit Bajram Begaj është ndërmarrë si akt juridik në ambasadën e Shqipërisë në Turqi, prandaj, juridikisht, Presidenti ka qenë në një ekstraterritor shqiptar. Domethënë gjatë firmosjes së dekretit të tij, juridikisht, ai ka qenë në Shqipëri.”-shkruan Ngjela./CNA.al
