web counter
LEXO PA REKLAMA!

SHKARKO APP

App Store
Google Play

E fundit!

x

Nesër Kuvend/ Diskutime mbi Kodin Zgjedhor dhe shkarkimin e Këshillit Drejtues të RTSH-së

16 Shkurt 2025, 09:02, Politikë CNA

Nesër Kuvend/ Diskutime mbi Kodin Zgjedhor dhe shkarkimin e Këshillit

Pas një seance të tensionuar, deputetët do të kthehen nesër në Kuvend, për të vijuar diskutimet mbi ndryshimet në Kodin Zgjedhor, që synojnë lehtësimin e votës së diasporës.

Seanca e së enjtes u shty për të hënën, më 17 shkurt në orën 10:00, pas një debati të ashpër, ku deputeti Flamur Noka pati një përplasje me ministrin Taulant Balla dhe kryeparlamentaren Elisa Spiropali.

Në rend dite është miratimi i një drafti për ndryshimet në Kodin Zgjedhor, i cili përfshin mundësinë e pagesës për kthimin e votës së diasporës dhe regjistrimin e partive dhe kandidatëve deri më 12 mars. Të gjitha palët kanë arritur një marrëveshje për këtë çështje, por pritet të shihet qëndrimi i grupit të opozitës.

Një tjetër pikë e rëndësishme në seancën e ardhshme është shkarkimi i anëtarëve të  Këshillit Drejtues të RTSH-së, përfshirë dhe Leka Bungo. Ky proces ka nisur pas shkeljeve të identifikuara gjatë procesit të zgjedhjes së drejtorit të Përgjithshëm të RTSH-së, ku janë zbuluar abuzime me fondet.

Ndërkohë, grupi i mazhorancës nuk ka kërkuar masa disiplinore ndaj deputetëve të opozitës për incidentet e fundit, por përjashtimi i Flamur Nokës nga seanca është një prej masave që është marrë./CNA





Lajmet e fundit nga