web counter
LEXO PA REKLAMA!

SHKARKO APP

App Store
Google Play

E fundit!

x

Emetohet eurobondi 650 milionë euro me afat maturimi 10-vjeçar/ Reagon kryeministri

14 Shkurt 2025, 16:54, Politikë CNA

Emetohet eurobondi 650 milionë euro me afat maturimi 10-vjeçar/

Kryeministri Edi Rama me anë të një video në rrjetet sociale ka folur për emetimin e eurobondit. Rama ka sqaruar efektet pozitive që sjell ky emetim.

“Ky ishte emetimi më i suksesshëm ndonjëherë për sa u përket tre gjërave. Së pari interesit të investitorëve të huaj, ofruan 4.3 herë më shumë se sa nevoja jonë dhe madje gjatë ditës oferta vajti në 5.7 herë më shumë se sa nevoja jonë. Gjë që bëri që të ulim normën e interesit për të larguar një pjesë të investitorëve. Ky mbulim është më i larti i regjistruar në vendet e Europës Qendrore dhe Lindore që nga tetori i 2024. Së dyti numri më i lartë i investitorëve, 159 të tillë të interesuar. Së treti, normë interesi më të ulët për Shqipërinë, se sa për vendet si Serbia dhe Rumania për obligacione dhjetëvjeçare, që ato në fakt kanë rejtingun më të lartë se ne për momentin”, tha Rama.

 

 

Qeveria mori eurobondin 650 milionë euro në bursën angleze me normë interesi 5%. Ministria e Financave sqaroi më parë se borxhi i marrë duhet të shlyhet për 10 vite./ CNA

 





Lajmet e fundit nga