web counter
LEXO PA REKLAMA!

SHKARKO APP

App Store
Google Play

E fundit!

x

“Lëreni SPAK-un të bëjë punën e vet!”/ Postulati i socialistëve, i harruar nga dyshja Rama-Veliaj

14 Shkurt 2025, 14:44, Politikë REDAKSIONALE

“Lëreni SPAK-un të bëjë punën e vet!”/

Socialistët “kanë rrahur” gjoksin duke thënë se merita u shkon atyre për realizimin e reformës në drejtësi.

Shpesh kanë dashur t’i shkëpusin qëndrimin e tyre me ato të opozitës, karshi istitucioneve të reja të drejtësisë, duke thënë se i mbështesin, pavarësisht nëse godasin majtas apo djathtas.

Por mesa duket kjo mbështetje e ka pasur një kufi. Kufiri për socialistët mban emrin Eion Veliaj! Aty PS-ja harroi ç’kishte thënë më herët, ndërsa nisi një sulm frontal ndaj SPAK-ut dhe GJKKO-së, me gjithë prokurorët dhe gjyqtarët e tyre, me në krye të parin e socialistëve, vetë kryeministrin e vendit Edi Rama.

Por çfarë thoshte ky i fundit dikur për reformën në drejtësi dhe SPAK-un në veçanti?!

“Lëreni SPAK-un të bëj punën e vetë!”. Ishte ky postulati i kreut të qeverisë. Koha e tregoi që ashtu siç u tha, u harrua.

“Lëreni SPAK-un të bëjë punën e vet. Nëse detyra e organeve të reja të drejtësisë është të bejnë operacione kirurgjikale, për të shkulur 'tumorin' e korrupsionit nga politika, pa ia lejuar vetes as edhe një operacion, perdorimin e gjilpërës së rrobaqepësit ose thikës së kasapit.

Detyra jonë nuk është detyra e tyre. SPAK-u dhe GJKKO-ja edhe mund të gabojnë.

Ndërsa ne nuk mund të gabojmë.

Kjo është absolutisht e pafalshme”,- thoshte kryesocialisti në 4 shtator 2023.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)

Të njëjtën linjë ndiqte dikur edhe kryebashkiaku Erion Veliaj.  Në 30 prill të 2024, Erion Veliaj u thirr në SPAK ku dëshmoi për rreth 7 orë për aferën e inceneratorit të Tiranës. Pas daljes nga SPAK-u deklaroi se ishte “me dy kolegë hetues” dhe se i falënderoi për profesionalizmin e treguar.

“Falënderoj kolegët e SPAK-ut, një institucion që unë nuk kisha pasur të bëja më parë.

Pas këtij takimi më ka krijuar bindjen që është bërë një investim për së mbari në Shqipëri. Isha me dy kolegë hetues, profesionistë dhe unë them që ne duhet t’i forcojmë institucionet. Isha këtu si bashkëpunëtor. Të dy kolegët hetues më kanë kërkuar që për çështje të hetimit dhe për çështje të sekretit hetimor, duke qenë se Bashkia e Tiranës ka sjellë dhe disa prova të tjera, m’u kërkua dashamirësisht që të mos i ndaj me gazetarët. Do të jetë pjesë e zbardhjes së dëshmisë sime”, tha Veliaj.

Në 10 shkurt, Veliaj ra në pranga. Këtu parimi se SPAK-u dhe GJKKO qëndrojnë të ndara nga politika dhe mund të godasin këdo, nuk u shkonte më për shtat socialistëve. Edi Rama në mbledhjen me grupin parlamentar socialist të 12 shkurtit hodhi akuza të forta ndaj gjyqtarit Erjon Bani që dha masën e arrestit.

“I njohur si ekstremist i djathtë, i njohur si eksponent i djathtë, skandal në të gjitha rastet i njëjti gjyqtar, është gjyqtari paraprak për dosjen 'Toyota Yaris'. Vetëm një fakt ka ndaluar urdhërim publik të dosjes së tij gjë që nuk e bënë, por bënë të kundërtën kur duan të përbaltin figurat e PS-së. Tani dosjen e ka bufi i kënetës që i lexon në parlament. Është i ndaluar për t'u përhapur dhe publikuar. Ku jemi këtu? Kjo është vepër penale. Të mos bëjnë gabim të kërkojnë telefonin tim se kanë boll telefonat e gjithë Shqipërisë”, u shpreh Rama, duke lexuar mesazhin e një qytetari.

Gjuhë linçuese, edhe më e ashpër është filluar dhe pasuar nga vetë protagonisti kryesor i kësaj çështjeje, Erion Veliaj. Ai pasi u arrestua ka akuzuar prokurorin Olsi Dado duke e quajtur lunatik, të paditur epsharak, individ pervers, ndërsa aktakuza sipas Veliajt ishte haluçinante, perversitet kriminal, ‘kurdisje e një paçavureje’.

Pyetja që lind është e thjeshtë, nëse Erion Veliaj është i pafajshëm siç pretendojnë socialistët, pse ndryshuan kryekëput parimet e tyre ndaj institucioneve të drejtësisë, vetë partia që pretendon se i krijoi ato?!

Pse nuk i lënë prokurorët dhe gjyqtarët të bëjnë punën e tyre të pandikuar, nëse janë kaq të bindur në pafajësinë e kryebashkiakut?!

Sot Partia Socialiste “ka djegur” veten, duke kaluar kufirin ndarës mes politikës dhe drejtësisë, një kufi që nuk duhet ta kalonte jo vetëm për Veliajn, por edhe për vetë Ramën, nëse një ditë ky i fundit do t’i duhej të përballej me drejtësinë.

Sot socialistët duhet t’i rikthehen parimit: "Lëreni SPAK-un të bëj punën e vetë!”/ CNA





Lajmet e fundit nga