E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Denoncimi i PD/ “Bashkia e Tiranës u mbyll rrugën, qindra banorëve u mohohet lëvizja e lirë”

15 Shkurt 2025, 17:16, Politikë CNA

Denoncimi i PD/ “Bashkia e Tiranës u mbyll rrugën, qindra

Anëtari i kryesisë së PD, Grigels Muçollari ka denoncuar një rast në kryeqytet ku banorët kanë mbetur pa rugëdalje. Muçollari deklaron se prej dy viteësh banorët e rrugës “Alije Këlliçi” e kanë të pamundur të hyjnë dhe dalin nga banesat e tyre.

Shkak për këtë është bërë neglizhenca e Bashkisë Tiranë për t’u mundësuar banorëve që të kenë akses në Unazën e ndërtuar së fundmi, pranë sheshit Shqiponja. Muçollari u shpreh se banorët janë të bindur se pas këtij projetki fshihen interesa okulte të Veliajt, i cili sipas tyre kërkon t’i largojë nga banesat në marrëveshje me ndërtuesit, që duan të ndërtojnë në këtë zonë.

Denoncimi i PD/ “Bashkia e Tiranës u mbyll rrugën, qindra

“Ndodhemi në rrugën ‘Alije Këlliçi’, në fund të Fushës së Aviacionit. Kemi një rast flagrant ku bashkia, në vend që të ishte në krah të qytetarëve, të banorëve, ka dalë kundër tyre dhe po u nxin jetën prej mw shumw se dy vite. Qindra familje kanë ndërtuar këtu shtëpinë me mundin e djersën e tyre, shtëpi të legalizuara, secila prej tyre me kodin postal. Ndërkohë papritur, vjen bashkia dhe vendos t’iu mbyllw rrugën. Vendos t’i izolojë. Ua bën të pamundur të hyjnë dhe të dalin nga banesat e tyre.

Me një projekt, që fsheh interesa okulte. Banorët janë të bindur se bashkia po e bën për t’i detyruar banorët të largohen në favor të marrëveshjeve me ndërtues tw cilët kërkojnë pronat e tyre për të ndërtuar sipas kushteve e kritereve që ata duan. Pra bashkia bëhet palë me klientët e saj, kundër banorëve. E gjitha kjo, edhe në kundërshtim madje edhe me atë që ka kërkuar Autoriteti Rrugor. Sipas shkresës ne fjale Autoriteti Rrugor e ka vene ne dijeni Bashkine qe e ka detyrim ligjor zgjidhjen e këtij problemi te banoreve për rrugët “Vëllazërimi”, “Alije Këlliçi” dhe madje ka vëne në dijeni edhe Këshillin e ministrave që prej vitit 2022. Por Bashkia, madje dhe Këshilli i Ministrave nuk denjojnë as të kthejnë përgjigje, ecin përpara kundër banorëve.

Projekti i bashkisë i mbyll përfundimisht rrugën qindrave familjeve për të shkuar në shtëpinë e tyre, ky projekt nuk i jep mundësinë as ambulancës as zjarrfikëses t’iu ofrojë ndihmë qytetarëve. Ky projekt abuziv që shkel të drejtën e servitutit, rrezikon jetën e familjeve në fjalë. Jemi këtu për ta denoncuar këtë aferë dhe për të bërë që zëri I këtyre qytetarëve të dëgjohet. I bëjmë thirrje Bashkisë së Tiranës t’i japin zgjidhje të menjëhershme këtij problemi jetik të qindra familjeve. Qytetarët duan zgjidhje dhe nuk ju intereson lufta e klaneve brenda PS-së. Ju bëjmë thirrje t’i japin menjëherë zgjidhje pasi në të kundërt do të përballen me një kallëzim penal për shpërdorim detyre.

I bëjmë thirrje Shoqërisë Salillari të ndërpresë punimet e jashtëligjshme për bllokimin e rrugës. E drejta e servitutit është një e drejtë e parashikuar që prej Kanunit të Lekë Dukagjinit deri në ditët e sotme në çdo kod ligjor të Shqipërisë dhe shoqërive perëndimore”, tha Muçollari./ CNA