LEXO PA REKLAMA!

SHKARKO APP

‘Çmimi i luftës së Rusisë’/ Ditmir Bushati: Çfarë po na tregon Ukraina

25 Nëntor 2022, 18:53, Politikë CNA
‘Çmimi i luftës së Rusisë’/ Ditmir Bushati:
Ish-Ministri për Europën dhe Punët e Jashtme, Ditmir Bushati

Ish-Ministri për Europën dhe Punët e Jashtme, Ditmir Bushati ka publikuar podcast-in e radhës në të cilin analizon efektet e luftës 9 muaj që nga pushtimi i Ukrainës nga Rusia.

Në këtë podcast ai flet për realititetin e ri gjeopolitik, për peisazhin e ndryshuar të sigurisë dhe pasojat e kësaj lufte për rajonin tonë.

Sipas Bushatit, rendi ndërkombëtar është sfiduar ndërkohë që, "Ukrainasit po tregojnë se është e mundur të jesh patriot dhe të besosh në një shoqëri të hapur e demokratike".

Kjo luftë, thotë ai, ka prodhuar edhe një realitet të ri gjeopolitik, “Rusia është pothuajse e izoluar diplomatikisht, kulturalisht dhe ekonomikisht nga bota e zhvilluar. Kjo është hera e parë që i ndodh një ekonomie të pasluftës, pjesë e G-20”.

Sipas Bushatit, në raport me NATO-n, Rusia ndjehet e befasuar, pasi prej kohësh përpiqej t’i vendoste shtetet e Aleancës kundër njeëri-tjetrit duke rrëmuar në diferencat mes tyre.  Në të njëjtën kohë, edhe BE-ja i dha fund një strategjie të zbatuar që nga përfundimi i Luftës së Ftohtë, sipas të cilës “paqja mund të vijë përmes ekonomisë, dhe veçanërisht përmes tregtisë së energjisë”.

Duke analizuar luftën dhe efektin e saj në rajonin tonë, Bushati thotë se “Lufta në Ukrainë ka pasoja të rëndësishme që mund të ndikojnë në perspektivën europiane të Ballkanit Perëndimor”./ CNA.al

Lajmet e fundit nga