web counter
LEXO PA REKLAMA!

SHKARKO APP

App Store
Google Play

Manja debat me Nokën/ “Retorika juaj, i shërben krimit”

13 Korrik 2023, 11:48, Politikë CNA
Manja debat me Nokën/ “Retorika juaj, i shërben krimit”
Ministri i Drejtësisë, Ulsi Manja

Ministri i Drejtësisë, Ulsi Manja, është përplasur me deputetin e PD-së, Flamur Noka, gjatë seancës së sotme plenare.

Manja ka reaguar ashpër ndaj akuzave të Nokës, i cili tha se PS është një organizatë kriminale dhe se inceneratorët janë ndërtuar me qëllimin e vetëm, vjedhjen e shqiptarëve.

Ministri deklaroi se retorika e sotme e opozitës i shërben vetëm krimit, jo shtetit dhe po pengon drejtësinë.

Manja theksoi se parlamenti duhet të vazhdojë punën e tij dhe të mos ndikohet nga sjellja e opozitës.

“Rri pa merak Flamur se edhe unë për procedurë e mora fjalën. Vazhdojmë me rendin e ditës sepse heshtja jonë sot ka të bëjë me respektin për drejtësinë, por jo për respektin e kësaj pjese sepse kur të mbërrijë puna për të na bërë moral për ndershmërinë, politikën, e drejtësinë një pjesë juaja këtej është fundi i parlamentarizmit. Heshtja jonë ka të bëjë vetëm me atë për të cilën në korrik të 2016 u pajtuam për të bërë Reformën në Drejtësi. Kjo që i bëni ju është shërbimi më i mirë që ju i bëni krimit, se këto porosi keni marrë nga krimi dhe mesazhin e krimit e sillni këtu.

Retorika politike e këtij krahut të djathtë i shërben krimit. Nuk e ndihmon drejtësinë të bëjë punë e vet. Mos e merrni heshtjen tonë për dobësi, heshtja jonë është respekt për drejtësinë dhe ligjin”, nënvizoi ministri i Drejtësisë./ CNA.al





Lajmet e fundit nga