web counter
LEXO PA REKLAMA!

SHKARKO APP

App Store
Google Play

Këlliçi kujton përballjen/ “Rama pranon se i ka të dyja duart në aferën e inceneratorëve”

12 Korrik 2023, 13:35, Politikë CNA
Këlliçi kujton përballjen/ “Rama pranon se i ka të
Ish-kandidati i koalicionit "Bashkë Fitojmë" për Bashkinë e Tiranës, Belind Këlliçi

Ish-kandidati i koalicionit "Bashkë Fitojmë" për Bashkinë e Tiranës, Belind Këlliçi përmes një videoje ka sjellë për publikun disa momente nga përballja me Kryeministrin Edi Rama në Komisionin Hetimor Parlamentar në lidhje me çështjen e inceneratorëve.

Rama dëgjohet teksa thekson se së bashku me skuadrën e tij është totalisht i përfshirë në çështjet procedurale të inceneratorëve.

Bashkëngjitur videos, Këlliçi shkruan se për firmën që ka vendosur Edi Rama, zëvendësi i tij është në arrati sepse e presin prangat.

Ndër të tjera, ish-deputeti thotë se Erion Veliaj vijon të paguajë me taksat e qytetarëve të Tiranës, 80 mijë euro çdo ditë një inceneratori që nuk ekziston.

Këlliçi ngre akuzat se Erion Veliaj dhe Edi Rama janë përgjegjësit e drejtpërdrejtë të vjedhjes së shekullit.

“Koka e inceneratorëve e pranon vetë që i ka të dyja duart brenda, në aferën që deri tani u ka marë xhepave të shqiptarëve 103 milionë euro.

Për firmën që ka vendosur Edi Rama, zëvendësi i tij është në arrati sepse e presin prangat.

Ndërkohë në Tiranë, Erion Veliaj vijon të paguajë 80 mijë euro çdo ditë inceneratorin që nuk ekziston.

SPAK i ka provat dhe faktet para syve. Kjo aferë zbulohet vetëm kur bosat e vërtetë të mbajnë përgjegjësi. Erion Veliaj dhe Edi Rama janë përgjegjësit e drejtpërdrejtë të vjedhjes së shekullit!”, shkruan Këlliçi./ CNA.al





Lajmet e fundit nga