web counter
LEXO PA REKLAMA!

SHKARKO APP

App Store
Google Play

Këlliçi kujton përballjen në komisionin hetimor/ "Ahmetaj gënjeu publikisht"

11 Korrik 2023, 14:33, Politikë CNA

Këlliçi kujton përballjen në komisionin hetimor/

Ish-kandidati i koalicionit "Bashkë Fitojmë" për Bashkinë Tiranë, Belind Këlliçi, ka risjellë për publikun disa momente nga përballja e tij me ish-zëvendëskryemnistrin Arben Ahmetaj në Komisionin Hetimor Parlamentar për inceneratorët, një vit më parë.

Gjatë seancës hetimore Këlliçi ka këmbëngulur kundrejt Ahmetajt duke e pyetur nëse ka njohje personale me Mirel Mërtirin, gjë e cila është mohuar nga ish-zëvendëskryeministri.

“Zoti Ahmetaj ju e kuptoni fare mirë që kjo nuk ka të bëjë me situatën tuaj shëndetësore. Në këtë komision është diskutuar shpesh si ka mundësi që qeveria vijon të bëjë pagesa, ndërkohë që Klodian Zoto është në kërkim, zonja Stela Gugallja është në kërkim, zoti Mirel Mërtiri mua personalisht më ka paditur dy herë, ka paditur zonjën Tabaku, zonjën Zhupa, por nuk ka ardhur ndonjëherë në gjykatë, edhe pse ia kërkon ligji.

Unë kam të drejtën të prezumoj që ministri i Financave i shoqëruar në një shtet të huaj me një person që është mbrapa këtyre 3 kontratave, sigurisht që ka një mardhënie të veçantë dhe ndaj unë po ju pyes ai lajm ka qenë i rremë apo i vërtetë?”, tha ish-deputeti asokohe.

Ndërkohë që ish-zv.kryeministri u përgjigj: “Nuk kam lidhje gjaku, nuk kam lidhje biznesi, nuk kam lidhje krushqie, nuk kam lidhje pune, nuk kam qenë ortak, nuk kam bërë punë. Kaq”.

Duke kujtuar deklaratat në komision, ish-kandidati për Bashkinë Tiranë deklaron se Ahmetaj ka pranuar publikisht në një emison televiziv njohjen e tij me Mirel Mërtirin, ndërsa pretendon se tashmë është kapur në gënjeshtër.

“1 vit më parë, kur në Komisionin Hetimor Parlamentar për çështjen e inceneratorëve dëgjonim sesi Arben Ahmetaj gënjente publikisht nën betim për lidhjet e tij me Mirel Mërtirin dhe Klodian Zoton.

Tigri ra në çark. Veliaj po bën nxemjen!”, shkruan Këlliçi krahas videos së komisionit./ CNA.al





Lajmet e fundit nga