web counter
LEXO PA REKLAMA!

SHKARKO APP

App Store
Google Play

Mesazhi i Ramës në prag të samitit të NATO-s: Më të vendosur për të mbrojtur lirinë

11 Korrik 2023, 08:43, Politikë CNA

Mesazhi i Ramës në prag të samitit të NATO-s: Më

Kryeministri Edi Rama ka publikuar mëngjesin e kësaj të marte në "Facebook" video-mesazhin e samitit të NATO-s. Kreu i qeverisë shqiptare ka nënvizuar se aleatët e NATO-s janë më të vendosur se kurrë për të mbrojtur lirinë dhe sigurinë e popujve që përfaqësojnë.

"Mirëmëngjes dhe me mesazhin e këtij viti të Samitit të Vilnius, Lituani që i gjen aleatët e NATO-s më të fortë e më të vendosur, për të mbrojtur lirinë dhe sigurinë e popujve tanë, ju uroj një ditë të mbarë", shprehet kryeministri. 

Të martën dhe të mërkurën udhëheqësit e shteteve anëtare të Organizatës së Traktatit të Atlantikut Verior (NATO) do të takohen në Vilnius të Lituanisë, për t’i adresuar sfidat më urgjente për aleancën, për të rritur kapacitetet mbrojtëse dhe parandaluese të NATO-s, si dhe për ta sjellë më afër grupit Ukrainën.

Samiti zhvillohet në një kohë kritike për sigurinë në Evropë, pasi lufta në Ukrainë është në mesin e një kundërofensive të Kievit. Në këtë samit pritet të diskutohet edhe për anëtarësimin e Suedisë në NATO. 

 

 





Lajmet e fundit nga