web counter
LEXO PA REKLAMA!

SHKARKO APP

App Store
Google Play

E fundit!

x

Debatet në Këshillin e Mandateve/ Avokatët e Ahmetajt, përballë pyetjeve nga opozita

12 Korrik 2023, 17:58, Politikë CNA

Debatet në Këshillin e Mandateve/ Avokatët e Ahmetajt,

Deputetët e PD-së, Gazment Bardhi dhe Ervin Salianji, i kanë drejtuar disa pyetje avokatëve të ish-zv.kryeministrit Arben Ahmetaj, Henrik Ligori dhe Ardian Visha.

Bardhi pyeti avokatët në Këshillin e Mandateve për pasurinë e Ahmetajt, për njohjet me Mirel Mërtirin dhe Klodian Zoton, si dhe për udhëtimet.

“Nëse klienti juaj do ishte prezent, do bashkëpunonte dhe përballej me drejtësinë, mund të kishim qenë mirëkuptues për me shumë kohë për mbrojtje. Por klienti juaj ka ikur jashtë vendit ditën që është kërkuar arrestimi. Kritikuat prokurorinë pse e ka shtrirë hetimin duke nisur që në vitin 2004. Ky lloj hetimi i pasurisë së zyrtarëve duhet të bëhet për të gjithë politikanëve. Akuzat nuk kanë natyrë politike, por për korrupsion dhe abuzim me pushtetin. Pse jeni ju kundër kontrollit të pasurisë dhe shtrirjes së hetimit që nga 2004? Keni ju prova për ligjshmërinë e kësaj pasurie? Pse ka gënjyer Ahmetaj për raportin me Mirel Mërtirin dhe Klodian Zoton? A rezulton që në udhëtime njëlloj si Ahmetaj me këta dy persona, ka qenë edhe Damian Gjiknuri? A e konfirmoni ju këtë?”, u shpreh ai.

Nga ana tjetër, Ervin Salianji, pyeti Ligorin dhe Vishën nëse çështja e hapur për Ahmetajn është një sulm politik nga mazhoranca.

“Avokat, ju në fjalën tuaj thatë që duhet t’i ruhemi protagonizmit gjyqësor, thatë që ka gjuhë joprofesionale në relacion, që ka fyerje që prokuroria u soll si Gestapo etj…

Ndërkohë, duke i qëndruar mendimit që ne nuk jemi gjykatë dhe që garancia e imunitetit është garanci për sulmet politike po ju pyes pasi thatë që klienti juaj është vunerabël politikisht, mendoni që po sulmohet politikisht nga mazhoranca?”, theksoi Salianji./ CNA.al





Lajmet e fundit nga