web counter
LEXO PA REKLAMA!

SHKARKO APP

App Store
Google Play

Berisha, akuza ndaj Rrajave: Janë mbi ligjin, mbështeten nga Rama dhe Balla

13 Korrik 2023, 09:44, Politikë CNA

Berisha, akuza ndaj Rrajave: Janë mbi ligjin, mbështeten nga Rama dhe

Ish-kryeministri, Sali Berisha u shpreh në mbledhjen e Grupit Parlamentar të Partisë Demokratike se banda Rraja ka qëndruar mbi ligjin për vite e vite, e mbështetur fuqimisht nga Edi Rama dhe Taulant Balla

"Historia dramatike, ngjarja kriminale në guroren e Borizanës është dëshmia më autentike e karakterit mafioz të shtetit të Edi Ramës. Banda Rraja në vite ka përbërë mafien më të rrezikshme të Shqipërisë së Mesme, e lidhur si mishi me thoin me Edi Ramën, Taulant Ballën dhe pushtetarët e tjerë. Banda Rraja ka qëndruar mbi ligjin për vite e vite, e mbështetur fuqimisht nga Edi Rama dhe Taulant Balla. Ata janë përdorur si vrasës me pagesë, si torturues dhe arrestimi i fundit i nipit të Rrajës deputet, ne ua detyrojmë shërbimeve të vendeve mike dhe partnere, sepse ata kanë sjellë të gjithë regjistrimin, interceptimin mbi të cilat u realizua arrestimi i tij", u shpreh ish-kryeministri. 

Në fjalën e tij Berisha komentoi edhe emërimin e Taulant Ballës në krye të Ministrisë së Brendshme. 

"Thjesht hoqi ministrin e familjes dhe emëroi mikun më të ngushtë të Rrajave pas vetes së tij në politikë, që është Taulant Balla, emërimin e të cilit në Ministrinë e Rendit, bandat e qyteteve e festuan me fishekzjarre", u shpreh Berisha. 

 





Lajmet e fundit nga