web counter
LEXO PA REKLAMA!

SHKARKO APP

App Store
Google Play

Berisha 'zbardh' skemën: Ahmetaj po negocion me Ramën, u duk qartë edhe tek avokatët

13 Korrik 2023, 10:08, Politikë CNA

Berisha 'zbardh' skemën: Ahmetaj po negocion me Ramën, u duk

Ish-kryeministri Sali Berisha deklaroi në mbledhjen e Grupit Parlamentar të PD-së se Arben Ahmetaj po negocion me kryeministrin Edi Rama për t’u kthyer në Shqipëri.

Berisha nënvizoi se dje avokatët e Ahmetajt thanë se ndodhet jashtë për arsye familjare, që sipas tij është një mesazh, i cili po negociohet që Ahmetaj të kthehet në Shqipëri, vetëm nëse Rama i plotëson kërkesat që ka.

"Vetë fakti që Arben Ahmetaj ia mbathi, do të thotë se Edi Rama e çoi në ekzil. Pse them se e çoi në ekzil? Në pamje të parë duket paradoks se edhe i hapi dosjen dhe e çoi në ekzil. Por e çoi në ekzil sepse Arben Ahmetaj në çdo pyetje publike, do të thoshte pyeteni Edi Ramën. Këtë ai do të thoshte, kjo nuk e justifikonte se ka kryer çdo veprim që nuk duhej ta kryente. Por ai do bënte këtë. Pse them se e arratisi Edi Rama? Katër orë përpara se shkresa të dalë nga prokuroria, është informuar Arben Ahmetaj dhe është gjetur në Kakavijë dhe është vërsulur direkt në Kakavijë. Ka prerë një biletë gjoja për Itali për të dezinformuar dhe ia ka mbathur në Kakavijë. Arben Ahmetaj thuhet se po negocion me Ramën sepse arratisja e tij i ka dhënë një goditje të tmerrshme kësaj organizate kriminale. Dje, avoketërit e tij, të cilët dihen lidhjet e tyre me partinë, thanë se ka një hall familjar. Nuk e thanë pardje këtë. D.m.th. me Ramën po negociohet rikthimi i tij, nëse Rama i plotëson kushtet”, tha Berisha.

 

 





Lajmet e fundit nga