E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Luli Basha hero i heshtur… aq i heshtur sa nuk e dëgjon askush

5 Prill 2025, 22:21, Politikë CNA

Luli Basha, pasi u zgjua nga gjumi letargjik dhe po bën fushatë me diss-e ndaj Edi Ramës, tashmë cilësohet si “fenomen”. Ky cilësim për Luli gjumashin vjen nga mbështetësit e tij, të paktë në numër. Gjumin shumëvjeçar të Lulit, ata pak mbështetës që ka, e quajnë një strategji politike ndryshe nga të tjerët. Madje shkohet më tej, duke e cilësuar durim perëndimor “zhdukjen” e Luli Bashës nga skena politike.

Në një shkrim të publikuar nga njëri prej kandidatëve të tij, thuhet se Luli nuk ka nevojë të bërtasë për të treguar të vërtetën. Me sa duket e kanë harruar kur Luli “ulëriste” himnin kombëtar në protesta. Ose ndoshta pretendojnë se ky tani është një Luli i ri pas gjumit letargjik, jo ai i dikurshmi.

Në fund të shkrimit deliri i tyre arrin majat, duke e quajtur Luli Bashën alternativën e vetme të vendit.

Në fund, Luli qëndron aty, i pathyeshëm, jo nga fuqia, por sepse askush nuk është përpjekur ta thyejë. Si një kasetë e vjetër që askush nuk ka më pajisje për ta dëgjuar, por që dikush këmbëngul se ka “mesazh për të ardhmen”.

Shkrimi delirant për Lul gjumashin

I vetëm përballë sistemit, Lulzim Basha, fenomeni që i çorri maskën Edi Ramës

Ka një moment në politikë kur e vërteta nuk shpërthen me zhurmë, por me qetësinë e një njeriu që ka duruar, pa ulëritur. Ky njeri është Lulzim Basha. Për vite me radhë e tallën, e nënvlerësuan, e trajtuan si “i buti” në një politikë plot zhurmë e dhunë verbale. Por ndërsa të tjerët shisnin emocione, ai mbante një pasqyrë përballë realitetit të hidhur.

Dhe sot, pas një dekade me Edi Ramën Kryeministër dhe në pushtet, ajo pasqyrë është kthyer në aktakuzë. Çdo aleat i afërt i kryeministrit është ose në burg, ose nën hetim. Kur një njeri i vetëm mbetet në majë dhe të gjithë ata që i kanë qëndruar pranë bien një nga një, nuk kemi të bëjmë me fatkeqësi – kemi të bëjmë me sistem. Dhe sistemi është Rama.

Drejtuesi politik i Koalicionit Euroatlantik, Lulzim Basha, nuk është thjesht një kandidat për deputet. Ai është provë se mund të bësh politikë ndryshe –pa marrë peng drejtësinë, pa shantazhuar mediat, pa përdorur pushtetin si mburojë për klanet. Ai është lideri që ka qëndruar jashtë skandaleve, i vetmi që nuk është përmendur në dosje, në audio-përgjime apo në lista klientësh.

Ndërsa Rama u rrethua nga hijet e korrupsionit dhe u mbështoll me arrogancën e pushtetit të pakufizuar, Basha ndërtoi durimin perëndimor. Ai nuk ka nevojë të ulërasë për të dëgjuar të vërtetën, sepse e vërteta po bërtet vetë: Rama ka mbetur vetëm, Basha është alternativa./ CNA