E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

“Situata ekonomike në Shqipëri është e rëndë”/ Berisha: E gjitha vjen nga korrupsioni dhe vjedhja nga qeveritarët

4 Prill 2025, 18:06, Politikë CNA

“Situata ekonomike në Shqipëri është e

Kreu i Partisë Demokratike, Sali Berisha zhvilloi një bashkëbisedim me banorët e zonës së Depos së Ujit dhe anëtarët e degës nr. 2 në Tiranë, që sipas tij janë lënë të braktisur nga qeverisja qendrore dhe lokale. Gjatë këtij takimi, Berisha prezantoi edhe programin e qeverisjes së ‘PD-Shqipëria Madhështore’.

Berisha e konsideroi këtë periudhë para zgjedhjeve si pragun e një ndryshimi shumë të thellë e shumë të madh për Shqipërinë.

Berisha theksoi se varfërimi i madh dhe i vazhdueshëm i qytetarëve shqiptarë është aspekti dramatik i largimit të shqiptarëve nga vendi.

Berisha tha se e gjithë kjo situatë ka vetëm një faktor, që është është korrupsioni, vjedhja, shpërdorimi, përvetësimi i parave të taksve nga qeveritarët.

“Sot ne jemi në prag të një ndryshimi shumë të thellë, shumë të madh. Shqipëria në këto 12 vite, e vërteta është se, eci në një drejtim në të cilin dy gjëra nuk mund t’i mohojë kush.

Së pari, në drejtim të largimit të shqiptarëve më shumë se kurrë nga Shqipëria.

Cilido që mendon ndryshe, le të mbyllë sytë për një moment dhe të mendojë se sa njerëz të rrethit të tij janë larguar nga ky vend këto 12 vite.

Aspekti i dytë dramatik i këtij drejtimi është varfërimi i madh dhe i vazhdueshëm i qytetarëve shqiptarë. Ky varfërim ka për tregues të qartë pensionet dhe rrogat lrejtësisht të papërshtatshme për çmimet e tregut dhe për një jetë normale.

Sot, një pensionist me pensionin e tij mesatar merr 165-170 euro, krejtësisht të pamjaftueshme për përballimin e jetës. Të mos diskutojmë për ata që marrin pensionin minimal 120 euro. Por këta që marrin pensione të plota, këta janë pakica. 57% e pensionistëve marrin pensione të pjesshme.

E gjithë kjo situatë ka vetëm një faktor dhe ky faktor është korrupsioni, vjedhja, shpërdorimi, përvetësimi i parave të taksve tuaja nga qeveritarët.

Është një vjedhje e tillë, saqë tejkalon çdo imagjinatë”,-tha Berisha./CNA