“Më 11 maj do ta shohim nëse aletatët do ta justifikojnë veten”/ Alimehmeti intervistë për CNA

4 Prill 2025, 16:44, Politikë CNA

Kandidati për deputet i PD në qarkun e Tiranës, Ilir Alimehmeti ka dhënë një intervistë për CNA, ku ka folur për kandidimin, situatën në PD dhe ado të kandidojë ai për kryebashkiak të Tiranës.

Alimehmeti së pari u ndal te kandidimi i tij në listat e hapura të Partisë Demokratike, gjë për të cilën tha se kandidimi në këto lista ofron demokraci të drejtpërdrejtë. Në listën e hapur, për Alimehmetin, duhet të jetë çdo deputet.

Gjithashtu Alimehmeti ka folur dhe për aleatët e koalicionit të PD, për të cilët ka thënë se do të shihet më 11 maj nëse do ta justifikojnë veten.

"Kam qenë gjithmonë për demokracinë e drejtpërdrejtë që do të thotë se votuesi duhet të zgjedhë jo vetëm subjektin politik dhe parimet e këtij subjekti edhe pse kjo është baza, por duhet të zgjedhë edhe individin brenda kësaj force që mendon se këto parime mund të arrjë dhe t’i mbështes ashtu siç duhet. Në këtë drejtim lista e hapur është ajo që na ofron demokracinë e drejtpërdrejtë. Në këtë aspekt krijohet edhe një formë demokracie që quhet nga poshtë lart, që është një tjetër parim demokratik që unë mbështes dhe që do të thotë se lista e hapur është fiks vendi për të cilin unë mendoj se duhet të ndodhet çdo kandidat. Debat kryesor do të doja të kishim nëse lista është fituese ose jo? Për këtë, tani që skuadra është krijuar duhet të garantojmë që skuadra të punojë drejt programit dhe me njerëzit", tha Alimehmeti.

A do të ishte një listë fituese me përfshirje më të madhe të kanidatëve me më shumë vota në primare dhe a ju penalizon përfshirja e aletëve në vendet e sigurta për deputetë?

Primaret janë një proces për PD. U takon atyre që kanë bërë negocitat për koalicionet dhe kanë marrë vendimet finale, më 11 maj do ta shohim në shkallë kombëtare nëse forcat aleate do ta jusfitikojnë veten e tyre

Çfarë ndodh me elektoratin gri?

Është shumë e vështirë që sot të kuptosh se kush është elektorat gri. Popullata është shumë më pragmatike dhe nuk ka nevojë që të ketë një teser partie për tu quajtur I djathtë apo gri. Ka një specter të madh mendimi ndryshe. Mendojë për vete, familjen e komunitetin e tyre. Shumica dërrmuese e shqiptarëve në qendër të vëmendjes kanë familjen dhe nëse ne përmes programit shkojmë dhe ja shpjegojmë se është në favor të familjes dhe vlerave familjare, shumica dërrmuese bien dakord. Në anën tjetër duhen emrat që marrin përsipër zbatimin e programit pas fitores. Për PS votojnë me sy mbyllur se votojnë për ngjyrën, te ne votojnë për individin sepse jemi parti vlerash.

Cili është ndryshimi mes PD me kryetar Lulzim Bashën dhe kryetar Sali Berishën?

Kam hyrë aktiv në politikë në prill të 2022 dhe nuk mund tju them shumë për fushatën e 2021 sepse nuk isha shumë i përfshirë e gjithashtu nuk jam formati që rri me kokën pas, unë shoh përpara dhe më 11 maj do të shohim rezultatin. Nuk kanë qenë vite të lehta. Ju thashë që kam hyrë në prill të 2022 në PD, në vitin më të keq të PD./ CNA