web counter
LEXO PA REKLAMA!

SHKARKO APP

App Store
Google Play

E fundit!

x

“Rimbursim 100% për ilaçet”/ Berisha: Heqim detyrimin fiskal për pensionistin që punon

4 Prill 2025, 11:56, Politikë CNA

“Rimbursim 100% për ilaçet”/ Berisha: Heqim detyrimin

Kreu i Partisë Demokratike, Sali Berisha, tha sot se në planin e PD-së për pensionistët është heqja e detyrimit fiskal për pensionistin që punon.

Në një konferencë me gazetarët nga selia e PD-së, Berisha tha se do të bëhet rimbursimi i plotë 100% për ilaçet e pensionistëve.

Berisha shtoi se PD-ja do të bëjë çmos që të heqë taksën për dividentin.

“Lidhur me sugjerimet e drejta tuajat, ne do të heqim çdo detyrim fiskal për pensionistin që punon për ato që fiton.

Do të përjashtohet nga çdo lloj detyrimi, sigurimesh apo të tjerash.

Lidhur me dividentin. Dividenti është një taksë e padrejtë sepse vendos tatim mbi tatim.

Kam qenë gjithnjë për heqjen e tij, dikur nuk e kemi pasur në vitet ’90. Tani specialistët nuk janë shumë dakord për heqjen e tij, por pas vendosjes së taksës së sheshtë, ju garantoj se me paketën tjetër do të bëjmë çmos që të heqim fare taksën për dividentin. Nuk duhet të ekzistojë.

Plus që përdor të gjithë infrastrukturën. Kjo është një nga plaçkitjet më të mëdha. Kjo merr fund!

Analizat falas për pensionistët do t'i vendosim që muajt e parë. Pa asnjë mëdyshje.

Për ilaçet, ju duhet të keni rimbursimin e plotë 100 për qind dhe ju siguroj se ne do të përdorim listën më të gjerë të mundshme për rimbursimin e ilaçeve”,-tha Berisha./CNA





Lajmet e fundit nga