E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"Pasaporta europiane nuk duhet për të ikur, por për dinjitet"/ Rama i përgjigjet komentuesit në "Sy m'Sy"

5 Prill 2025, 20:35, Politikë CNA

"Pasaporta europiane nuk duhet për të ikur, por për

Kryeministri Edi Rama ka reaguar këtë të shtunë ndaj një komenti ironik në rrjetin social “Facebook”, përmes rubrikës së tij të përjavshme “Sy m’Sy”.

Komenti i një qytetari që thoshte: “Çfarë e duam ne BE-në mor piktor, ne po ikim pa pasaporta…” mori një përgjigje nga kreu i qeverisë.

Rama tha se pasaporta europiane nuk është një mjet për të ikur nga vendi, por një simbol i dinjitetit dhe barazisë për qytetarët shqiptarë në Bashkimin Europian.

Ndër të tjera Rama shtoi se pasaporta nevojitet për të siguruar dinjitetin e qytetarit të barabartë europian, qoftë si udhëtar, student, punëmarrës apo si pjesë e një shoqërie që respekton të drejtat dhe ofron mundësi të barabarta për të gjithë.

“I dashur Kristi, kur thua mor piktor, e thua për të treguar se ke të drejtë? Se mendon se nuk të duhet pasaporta europiane e Shqipërisë, meqë sipas teje ne po ikim pa pasaporta?! Pasaporta europiane nuk duhet për të ikur, se për të ikur, ikën…Edhe me këtë që kemi! Ke të drejtë! Pasaporta europiane duhet për të fituar më në fund dinjitetin e qytetarit të barabartë europian. Dinjitetin e udhëtarit europiane që nuk e nxjerin anash në çdo hyrje të BE-së për ta pyetur me polic, ku po shkon? Dinjitetin e studentit europian, dinjitetin e punëmarrësit europian, e njeriut të lirë, të barabartë që gëzon çdo të drejtë europiane dhe çdo mundësi të ofruar nga rrjeti i solidaritetit europian. Pak janë këto?! Tani, të përçmosh punën e tjetrit është kollaj, por nuk të ndihmon të jetosh më mirë. Përkundrazi, gjyshja ime thoshte, mllefi e zeza e të zotë!”, u shpreh Rama.