web counter
LEXO PA REKLAMA!

SHKARKO APP

App Store
Google Play

Koalicioni PD-ASHM/ Berisha: Nëse do të ishin Shehaj e Lapaj…

22 Maj 2025, 22:50, Politikë CNA

Koalicioni PD-ASHM/ Berisha: Nëse do të ishin Shehaj e Lapaj…

Në intervistën në “Opinion”, në një analizë për Partinë Demokratike pas zgjedhjeve të 11 majit, kryetari i Partisë Demokratike, Sali Berisha, u pyet për koalicionin PD-ASHM, për të cilin tha se mandatet i mori mbi bazën e rakordeve të mëparshme elektorale.

Një pikë tjetër ku u ndal ishin partitë e reja, “Mundësia” e Agron Shehajt dhe “Shqipëria Bëhet” e Adriatik Lapajt. Berisha thotë se bëri përpjekje për t’i bashkuar në koalicion dhe nuk arriti t’i bindte.

 

"Ato mandate i mori mbi bazën e rakordeve elektorale. Të mëparshme, për shembull po marrim cilën të duash ti mbi bazën e rakordeve elektorale të viteve të fundit dhe unë them një gjë, kriter tjetër për të bërë koalicionin përveçse t’u diktosh pse shkon, pse s’vjen, nuk ka. Ti merr Partinë e Lirisë, kishte 118  mijë vota dhe mori 4 vende. Por kishte një bindje deputeti që i binden deputetit 25 mijë vota. Ky është gabimi i tij se në qoftë se do të ishte në koalicion Adriatik Lapaj siç u ofrua dhe në qoftë se Agron Shehaj vinte… Cili ishte rezultati i tyre? Rezultati i tyre është baras me Tom Doshin. Njeriu duhet të jetë… në qoftë se ka qëllim interesin publik, duhet t’i përmbahet. Ata i hoqën opozitës 5-6 deputetë. Por ata s’erdhën, nuk pranuan. Ata  nuk janë fëmijë që t’i bindë Partia Demokratike. Agron Shehaj iku nga Partia Demokratike, kurse ai kishte rrugën e vet", tha Berisha./ CNA





Lajmet e fundit nga