web counter
LEXO PA REKLAMA!

SHKARKO APP

App Store
Google Play

"Të sofistikuara dhe jo rastësore"/ Celibashi: Në platformat e KQZ-së ka pasur sulme kibernetike

22 Maj 2025, 14:17, Politikë CNA

"Të sofistikuara dhe jo rastësore"/ Celibashi: Në

Komisioneri Shtetëror i Zgjedhjeve, Ilirjan Celibashi, në një konferencë për shtyp të mbajtur këtë të enjte, deklaroi se platformat e KQZ-së janë gjendur nën sulme kibernetike. Në fjalën e tij, Celibashi tha se është komunikuar me institucionet përkatëse për ndjekjen e këtyre rasteve.

Celibashi shtoi se nga të dhënat rezulton se një pjesë e madhe e këtyre sulmeve kanë qenë të organizuara dhe të sofistikuara dhe jo rastësore.

“Mund të bëj publike sot që platformat e KQZ-së, duke filluar nga ajo e regjistrimit të votuesve nga jashtë, janë gjendur nën sulme kibernetike. Kemi komunikuar me institucione përkatëse, si ato të sigurisë kibernetike dhe ato që lidhen me ndjekjen ligjore të këtyre rasteve sa herë që janë evidentuar. Kemi 192 milionë kërkesa të regjistruara në 7 ditë. Kemi pasur pikun me 5700 kërkesa për sekondë. Nga të dhënat që kemi, rezulton se një pjesë e madhe e këtyre sulmeve kanë qenë të organizuara dhe të sofistikuara dhe jo rastësore. Të gjitha nga jashtë. Kanë qenë të krahasueshme me sulmet që kanë pasur vende të tjera për situata të ngjashme, si Franca, Gjermania apo Estonia”,-tha Celibashi./CNA





Lajmet e fundit nga