web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni i SPAK-ut dhe antimafias/ Berisha: Famozi Poja ka marrë gjithçka me licencë nga Rama

21 Maj 2025, 13:09, Politikë CNA

Megaoperacioni i SPAK-ut dhe antimafias/ Berisha: Famozi Poja ka marrë

Kreu i PD-së, Sali Berisha, ka komentuar megaoperacionin e SPAK-ut, i cili në bashkëpunim me antimafian italiane, kanë goditur një nga grupet më të rrezikshme kriminale që operonin në Amerikën Latine, Europë dhe Shqipëri.

Berisha ka hedhur akuza duke thënë se kontrollin e vërtetë të Portit të Durrësit e kanë 100% vetëm Troplinët dhe se sasitë e kokainës hyjnë nëpërmjet tyre.

Lideri i opozitës tha se Ervis Doçi, një nga personat për të cilat është lëshuar urdhër-arrest, famozi Poja, siç e quan ai, tha se ka gjithçka me licencë të Edi Ramës dhe Olsi Ramës.

Sipas Berishës, pas transportit të kokainës fshihen ata që u kanë dorëzuar portin Troplinëve.

Ai nënvizoi se “Totorino është në kryeministri dhe nëntotorino ia mbathi”.

“Kontrollin e vërtetë të portit e kanë me 100% vetëm Troplinët. Porti i Durrësit dhe kokaina hynë në Shqipëri nëpërmjet Troplinëve.

Në këtë drejtim unë përshëndes antimafian italiane, antimafian, se SPAK-u aty ishte. SPAK ka muaj dhe vite që e sodit dhe nuk bën asgjë.

Operacioni është në vazhdim, janë lëshuar 52 urdhër-arreste, nuk u tha sa u arrestuan dhe nuk u tha asnjë gjeneralitet.

Matrix funksionon, vazhdon të funksionojë. Përgëzoj antimafian italiane. Janë një seri goditjesh që antimafia ka ndihmuar Shqipërinë. Ju garantoj se Ervis Doçi apo famozi Poja ka gjithçka me licencë të Edi Ramës dhe Olsi Ramës.

Pas transportit të kokainës fshihen ata që u kanë dorëzuar portin Troplinëve.

Totorino është në kryeministri, nëntotorino ia mbathi”, tha Berisha./ CNA





Lajmet e fundit nga