web counter
LEXO PA REKLAMA!

SHKARKO APP

App Store
Google Play

Emrat e rinj në Parlament/ Koçi skeptik: Ikja e të vjetërve do të jetë një minus, nuk e di pse disa kandidatë u votuan aq shumë

20 Maj 2025, 21:08, Politikë CNA

Emrat e rinj në Parlament/ Koçi skeptik: Ikja e të

Deputeti i Partisë Socialiste, Petro Koçi, i cili nuk do të ketë një mandat në legjislratrurën e ardhshme, ka folur për emrat e rinj të Parlamentit.

Në një dalje televizive, Koçi ishte skeptik për disa nga emrat e rinj të Parlamentit.

Deputeti tha se ka shumë eksperiment që mund të ishte shmangur, por gjithashtu ka dhe emra që do të jenë në standardin e duhur.

Më tej, Koçi deklaroi se nuk i kupton arsyet se përse disa kandidatë të rinj u votuan aq shumë, teksa shtoi se gara kishte një pabarazi të jashtëzakonshme.

“Fitorja është meritë e padiskutueshme e Partisë Socialiste, një dëshmi e një besimi të ri, pse jo edhe plebishitare për këtë forcë politike. Unë mendoj që Parlamenti në radhë të parë është edhe një përvojë politike. Parlamenti do njerëz që e njohin mirë shtetin, njohin marrëdhëniet e Parlamentit me institucionet e shtetit, njohim mirë marrëdhëniet e institucioneve me njëri-tjetrin. Njerëz që kanë përvojë në fusha të caktuara të funksionimit të shtetit dhe parlamentit. Mendoj që vërtet ikja e të vjetërve do të jetë një minus. Besoj se ata që kanë hyrë rishtaz në Parlament, do të ketë individë që do të jenë në lartësinë e duhur, por edhe nga ata që nuk do të jenë në lartësinë e duhur.

Ka figura të reja si Pirro Vëngu që unë besoj se do të jenë në standardin e lartë. Aty ka shumë eksperiment që edhe mund të ishte shmangur. Unë nuk i di arsyet konkrete se përse disa kandidatë të rinj u votuan aq shumë, por di të them se për shkak të sistemit, gara ka pabarazi të jashtëzakonshme”, tha Koçi./ CNA





Lajmet e fundit nga