web counter
LEXO PA REKLAMA!

SHKARKO APP

App Store
Google Play

Humbja e thellë në zgjedhjet e 11 majit/ Dash Shehi largohet nga drejtimi i “Djathtas për Zhvillim”

21 Maj 2025, 10:38, Politikë CNA

Humbja e thellë në zgjedhjet e 11 majit/ Dash Shehi largohet nga

Dashamir Shehi ka bërë me dije në një deklaratë për mediat se pas humbjes së thellë në zgjedhje ka vendosur të largohet nga drejtimi i Koalicionit Djathtas për Zhvillim.

“Këto zgjedhje ishin një farsë mes PD dhe PS. Listat e mbyllura, votat e diasporës dhe mungesa e komisionerëve nxori këtë rezultat. Ndryshime kushtetuese, rishikim i reformës territoriale dhe reforma zgjedhore, do të kërkojmë këto ndryshime, në të kundërt do të vazhdojmë me këto rezultate.

Zgjedhjet i humbëm, pranoj gabimet e mia dhe prandaj largohem, u hap rrugë të tjerëve. Nga gjithë zgjedhjet pati një element pozitiv, partitë e reja e çanë rrethimin dje, bravo u qoftë. Uroj të prodhojnë një sinergji politike më të mirë. Vetëm kjo është e mira e këtyre zgjedhjeve", tha Shehi.

I pyetur a është kjo një tërheqje e plotë nga politika?

“Kam dhënë dorëheqjen për t'u dhënë dorë të rinjve. Pastaj për politikë, do flas gjithnjë për aq sa di. S’ka ndonjë gjë për turp, është normale në politikë duhet ta pranojmë që kemi humbur, po kjo s’do të thotë që do humbim surratin. Nga kjo pikëpamje, do flas, do merrem, po të drejtoj koalicionin…Gjykoj se duhet t’ua lëmë të rinjve, jo se janë më të mençur se unë ore jo… po normal!”, ka deklaruar Shehi./ CNA





Lajmet e fundit nga