web counter
LEXO PA REKLAMA!

SHKARKO APP

App Store
Google Play

Berisha: Ka vetëm një zgjidhje, krijimi i një qeverie teknike dhe zhvillimi i zgjedhjeve të reja

22 Maj 2025, 12:37, Politikë CNA

Berisha: Ka vetëm një zgjidhje, krijimi i një qeverie teknike dhe

Kreu i Partisë Demokratike, Sali Berisha, deklaroi sot se zgjidhja e vetme për atë që opozita e quan si farsë elektorale është krijimi i një qeverie teknike dhe zhvillimi i zgjedhjeve të reja. Në fjalën e tij gjatë një konference për shtyp, Berisha u shpreh se zgjedhjet nuk do të njihen.

Kryedemokrati tha se qëndrimi i PD-së është që të zhvillohen zgjedhje të reja ku shqiptarët të votojnë të lirë.

Berisha shtoi se rezultati i zgjedhjeve ka ardhur si pasojë e metodës së ‘trenit bullgar’.

“Krimineli në krye të bashkisë është mentori i kriminelëve të tjerë për të realizuar ‘trenin bullgar’ në mënyrën më antiligjore, më antikushtetuese. Pra, kjo është fytyra e vërtetë e Edi Ramës, fytyra e vërtetë e këtyre zgjedhjeve, të cilat kurrë nuk do njihen.

Ata që mendojnë se mund t'u imponojnë qytetarëve shqiptarë në këtë mënyrë vullnetin e tyre dhe mund të qëndrojnë mbi karrige, gabojnë shumë, shumë rëndë. Ka vetëm një zgjidhje, zgjidhja është emergjente, krijimi i një qeverie teknike, zhvillimi i zgjedhjeve të reja, shqiptarët votojnë të lirë. Ky është qëndrimi ynë.

Ne kemi me qindra dokumente të pafundme të shkatërrimit, të shndërrimit të procesit zgjedhor në farsë elektorale. Pra kjo është farsa e vërtetë elektorale dhe ne duam që shqiptarët të votojnë dhe të mos vuajnë farsën elektorale dhe pasojat e saj.

Ne do qëndrojmë me të gjithë potencialin tonë, fuqinë tonë, që shqiptarët të votojnë si qytetarë të lirë të një vendi dhe jo të përjetojnë farsa të turpshme elektorale që janë të njëjta me ato të Zimbabveve 30 vite më parë.

Besoj se e keni të qartë, e shihni vetë. Gjithçka janë rezultate të paracaktuara. Unë mund t’ju them ju se do shihni kuti votimi në të cilat 200 fletë njëra pas tjetrës kanë të njëjtën palosje. Ose është ‘treni bullgar’ që është e njëjta gjë pastaj”,-tha Berisha./CNA

 

 

 

 

 

 

 

 

 





Lajmet e fundit nga