web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Po sensibilizojmë komunitetin ndërkombëtar për farsën elektorale të 11 majit

21 Maj 2025, 17:19, Politikë CNA

Berisha: Po sensibilizojmë komunitetin ndërkombëtar për

Kreu i Partisë Demokratike, Sali Berisha deklaroi këtë të mërkurë se opozita po kujdeset që raporti paraprak nga zgjedhjet e 11 majit të mbërrijë në kancelaritë europiane dhe më gjerë. Berisha tha se për opozitën, 11 maji nuk ishte ditë zgjedhjesh, por ditë farse elektorale.

Berisha, gjatë fjalës së tij në një konferencë për shtyp, tha se PD po sensibilizon komunitetin ndërkombëtar për këtë zhvillim.

Berisha e cilësoi këtë hap si një objektiv të punës së PD-së dhe theksoi se më 11 maj u shkelën parimet themelore të zgjedhjeve të lira.

“Asnjë letër nuk është dërguar. Letra është letër, raporti është raport. Është një raport paraprak, që është shpërndarë në një numër adresash në Europë dhe SHBA. Një raport fare paraprak, i cili nuk ka asnjë gjë tjetër përveçse këtyre që u them unë këtu, asnjë paragraf, asnjë rresht tjetër. Ne po sensibilizojmë komunitetin ndërkombëtar për farsën zgjedhore që ndodhi me 11 Maj. Ky është objektivi i punës tonë dhe ne do ia dalim. Pavarësisht nga rrethanat, por askush nuk mund të shkelmojë parimet themelore të zgjedhjeve të lira, të cilat u shkelën së bashku me vullnetin e qytetarëve shqiptarë në mënyrën më të pamëshirë”,-tha Berisha./CNA





Lajmet e fundit nga