web counter
LEXO PA REKLAMA!

SHKARKO APP

App Store
Google Play

Berisha shpreh lutjet për Artan Lamen dhe zbulon arsyen e largimit të tij nga detyra

22 Maj 2025, 21:48, Politikë CNA

Berisha shpreh lutjet për Artan Lamen dhe zbulon arsyen e largimit të

Gazetari Blendi Fevziu njoftoi në emisionin “Opinion” se publicisti Artan Lame është ende në jetë, pas lajmit që u publikua paraditen e sotme se ishte shuar.

Kryetari i Partisë Demokratike, Sali Berisha i cili është i ftuari i mbrëmjes në emisionin “Opinion”, shprehu lutjet e tij dhe tha se ish-kreu i Kadastrës ka kaluar një ndërhyrje shumë të vështirë.

Më pas, ai u ndal te largimi i tij nga detyra në vitin 2023 dhe tha se ndodhi për shkak të gjirit të Gjipesë. Sipas Berishës, Lame nuk pranoi të firmoste grabitjen e 225 mijë metrave katrorë tokë, gjë të cilën ia atribuon kryeministrit Rama.

"Lutjet e mia janë që Artan Lame ta kapërcejë këtë kohë. E vështirë sigurisht. Ai ka pasur një ndërhyrje shumë të rëndë, por t’i lutemi Zotit ta ndihmojë ta kapërcejë. U largua nga detyra 2 vite më parë. Arsyen pse u largua do ta them këtu. Ai u largua nga gjiri i Gjipesë. Ai nuk pranoi të firmosë grabitjet e 225 mijë metra katrorë tokë nga Edi Rama tek Manastiri i Skutarasë. Nuk them se ndryshoi parti dhe uroj ta kalojë, por këtë moment do ta them, por ai u largua sepse nuk pranoi të firmosë që Edi Rama të grabisë 225 mijë metër katrorë tokë në zonën më të mirë të bregut tek Manastiri i Skutarasë dhe kanioni i Gjipesë”, tha Berisha.





Lajmet e fundit nga