web counter
LEXO PA REKLAMA!

SHKARKO APP

App Store
Google Play

“Nuk është koha për festë, por për reflektim”/ Maliqi bën thirrje: Riorganizoni PD-në dhe opozitën

22 Maj 2025, 14:31, Politikë CNA

“Nuk është koha për festë, por për

Drejtuesi politik i Partisë së Lirisë në Qarkun Berat, Lefter Maliqi, i ka bërë thirrje opozitës se nuk ka kohë për festë nëpër qarqe, por është kohë për reflektim e ndjesë ndaj demokratëve dhe opozitarëve. Përmes një postimi në rrjetet sociale, Maliqi ka reaguar me nota thirrjeje, teksa falënderon mbështetësit.

Maliqi shprehet se është momenti për një analizë të thellë dhe të vendosen pikat mbi “i” në riorganizimin në çdo qelizë, në çdo seksion, grupseksion dhe degë të PD-së dhe opozitës.

Maliqi shton se më 11 maj fituan deputetët pa meritë, por humbën demokratët dhe opozitarët e ndershëm.

“I bëj thirrje opozitës: nuk ka kohë për festë nëpër qarqe por kohë për reflektim, ndjesë ndaj demokratëve dhe opozitarëve! Pavarësisht masakrës elektorale, krahas mbledhjes së provave të manipulimit duhet reflektim, analizë e thellë dhe të vendosim pikat mbi “i” në riorganizimin në çdo qelizë, në çdo seksion, grupseksion dhe degë të PD dhe Opozitës. E patë vet dje megaoperacionin, të drejtuar nga Italia, i patë bosët e drogës që i dhanë fitoren Rilindjes me paratë e drogës. Të falenderojmë mbështetësit dhe stop festave dhe shoë-t, pasi fituan Deputetët pa merit, por humbën demokratët dhe opozitarët e ndershëm, para të cilëve kemi detyrime shumë shumë të medha dhe duhet t’jua shpërblejmë çdo mund e sakrificë të tyre. Koha për analizë, organizim, reflektim, mobilizim për perballje dinjitoze deri në fitoren e merituar. Këto zgjedhje nuk mund te njihen. Koha për motivim.”,-shkruan Maliqi./CNA





Lajmet e fundit nga