web counter
LEXO PA REKLAMA!

SHKARKO APP

App Store
Google Play

E fundit!

x

Kapllanaj i Alibeajt merr 540 milionë nga Rilindja e socialistëve

20 Janar 2023, 20:09, Politikë CNA

Kapllanaj i Alibeajt merr 540 milionë nga Rilindja e socialistëve

540 milionë lekë është tenderi i radhës që i është dhënë nga zyrtarët e Rilindjes njërit prej mbështetësve të grupit Alibeaj.

Është pikërisht Agron Kapllanaj, kandidati i grupit të Alibeajt për Mallakastrën personi që Rilindja i ka bërë qokën e radhës.

Brenda 6 muajsh, Kapllanaj ka marrë tenderin e radhës në Bashkinë Selenicë me kompaninë “Shkëlqimi 07”, e krijuar në vitin 2007, ku administrator dhe ortak i vetëm është Shkëlqim Kapllanaj, vëllai i Agron Kapllanajt.

Kompania “Shkëlqimi 07” ka fituar tenderin me fond limit rreth 540 milionë lekë për asfaltimin e rrugëve të brendshme në fshatin Kocul, të bashkisë Selenicë.

Kapllanaj i Alibeajt merr 540 milionë nga Rilindja e socialistëve

Kështu, Kapllanaj i Alibeajt po merr një tjetër qokë nga Rilindja pas miliona lekëve që ka marrë më parë me tendera.

Bëhet fjalë për Kapllanajn e dënuar për vjedhje në Itali.

Duke iu referuar prokurorisë, "Birn" ka raportuar se kandidati për kryetar bashkie i grupit të vulës, është dënuar në vitin 2004 në Firence të Italisë me 2 vjet burg dhe 300 euro gjobë për veprën penale të vjedhjes.

KQZ lejoi kandidimin e tij në zgjedhjet e 14 majit, pavarësisht dënimit për vjedhje në Itali dhe akuzave të ngritura nga Partia Demokratike.

Kapllanaj i Alibeajt merr 540 milionë nga Rilindja e socialistëve

Sipas denoncimeve të bëra nga PD, Kapllanaj ka marrë më shumë se mbi 6 milionë euro në vit nga “Rilindja”.

Nga të dhënat e QKB-së dhe Thesarit të Shtetit, rezulton se nga muaji nëntor 2013 e deri më 31 dhjetor 2020, firma “Shkëlqimi 07” ka marrë afro 32 milionë euro tendera.

Afro 80% të tenderëve firma “Shkëlqimi 07” i ka marrë në bashkitë dhe entet publike, të zonës Vlorë-Fier-Lushnjë-Berat.

Gjithashtu, CNA.al ka denoncuar edhe pagesat që Agron Kapllanaj ka marrë nga kompania e inceneratorit të Fierit .

Në 4 shtator 2021 kompania “Shkëlqimi 07” ka nënshkruar një kontratë me “Integrated Technology Waste Treatment Fier”, për kryerjen e punimeve ndërtimore, për një vlerë prej 79 milionë lekësh ose 70 mijë euro.

Por nuk mbyllet vetëm me kaq. Emri i kompanisë së familjarëve të Kapllanajt, ku bën pjesë edhe bashkëshortja e tij, është përfolur dhe akuzuar edhe për rindërtimin në zonën e 5 Majit. Rindërtimi i kësaj zone i është besuar kompanisë “Shkëlqimi 07”, në bashkëpunim me dy kompani të tjera.

Kapllanaj ka fituar disa dhjetëra miliona euro nga Rilindja dhe pretendon të shkojë edhe më tej.

Në njërin krah tenderat nga PS, në tjetrin shpërblen Qeverinë me përçarjen e Partisë Demokratike./ CNA.al





Lajmet e fundit nga