web counter
LEXO PA REKLAMA!

SHKARKO APP

App Store
Google Play

Deputetët e PD-së kërkojnë distancimin nga Basha/ Bardhi dhe Alibeaj besnikët e patundur

20 Korrik 2022, 19:48, Politikë CNA
Deputetët e PD-së kërkojnë distancimin nga Basha/ Bardhi dhe
Alibeaj, Basha dhe Bardhi

Deputetët e Partisë Demokratike kanë kërkuar distancim të shpejtë nga ish-kryetari Lulzim Basha. Debatet u zhvilluan gjatë një takimi informal të mbajtur në një nga lokalet e Tiranës, i cili zgjati rreth 5 orë. Të vetmit deputetë që kanë kërkuar “të mos i kthehet shpina Lulzim Bashës”, ishin 2 të besuarit e tij, Enkelejd Alibeaj dhe Gazment Bardhi.  

Një ditë më parë 24 deputetë të Partisë Demokratike, zhvilluan një takim informal në një nga lokalet e Tiranës, ku në fokus të diskutimeve ishte bashkimi dhe njohja e vullnetit të demokratëve, raporton "Syri".

Shumica dërrmuese e deputetëve të pranishëm në mbledhje fillimisht i kërkuan deputetëve Flamur Hoxha dhe Lefter Gështenja, si dy organizatorë të takimit informal që Lulzim Basha të mos ishte i pranishëm, si dhe gjatë takimit propozuan distancim nga ish-kreu i PD-së.

Deputetët u ndalën edhe te zgjedhjet e ardhshme vendore, ku vendosën theksin te nevoja e daljes me një kandidat, duke mos ndjekur praktikën si në zgjedhjet e 6 marsit.  

Gjatë takimit, i cili zgjati për rreth 5 orë, edhe deputetët Grida Duma dhe Helidon Bushati këmbëngulën për distancimin e grupit parlamentar nga Lulzim Basha, madje deputeti i Shkodrës kërkoi që ligjvënësit demokratë ta shprehin qëndrimin e tyre.





Lajmet e fundit nga