LEXO PA REKLAMA!

SHKARKO APP

App Store
Google Play

Debatet në mbledhjen e grupit të vulës/ Deputetët kundër Alibeajt, duan kandidatët e primareve

24 Mars 2023, 18:30, Politikë CNA
Debatet në mbledhjen e grupit të vulës/ Deputetët
Enkelejd Alibeaj

Ditën e sotme Enkelejd Alibeaj zhvilloi një tjetër takim me Grupin e tij Parlamentar, ku u diskutua për kandidatët për kryetarë bashkish dhe për këshilla bashkiakë në zgjedhjet e 14 majit.

Vetë Alibeaj, mbështetur nga Oriola Pampuri, Arbi Agalliu dhe Kreshnik Çollaku, ka kërkuar që të dalin me 61 kandidatë në të gjitha bashkitë e vendit, si dhe me kandidatë për këshillat bashkiakë.

Por mbledhja u shoqërua me debate, pasi deputetët kanë shprehur mendime të ndryshme në lidhje me kandidatët e 14 majit. Disa deputetë kanë kërkuar që të dilet me kandidatë më vete, disa të tjerë janë shprehur se duan që opozita të jetë e unifikuar.

Të paktën dy deputetë kanë deklaruar hapur qëndrimin e tyre kundër Alibeajt, duke theksuar se do të mbështesin kandidatët e dalë nga primaret e PD-së.

Nga ana tjetër, Dhurata Çupi është shprehur se nëse dalin me kandidatë për bashkitë PD rrezikon që të zvogëlohet akoma edhe më shumë.

Ndaj ajo propozoi që PD e vulës të mos nxjerrë kandidatë për kryetarë bashkish, por vetëm me këshilla bashkiakë.

Ata nuk kanë gjetur një dakordësi, ndërkohë që kanë mbetur vetëm 3 ditë nga mbarimi i afatit të depozitimit të listave të kandidatëve./ CNA

Lajmet e fundit nga