LEXO PA REKLAMA!

SHKARKO APP

App Store
Google Play

“Së shpejti do të bëhet publik”/ Peleshi zbulon detajin për projektin e ri për ushtarakët

24 Mars 2023, 10:39, Politikë CNA
“Së shpejti do të bëhet publik”/ Peleshi zbulon
Ministri i Mbrojtjes, Niko Peleshi

Pas mbledhjes së Këshillit të Ministrave, ministri i Mbrojtjes, Niko Peleshi, ka bërë me dije se është marrë vendimi për “Uljen e risqeve të fatkeqësive”.

Ministri theksoi se falë imazherisë me drone do të kemi mundësinë të shohim pikat që janë me risk më të madh nga përmbytjet.

Gjithashtu theksoi se ky do të jetë viti për mbrojtjen civile.

“Falë imazherisë me drone do të kemi mundësi të shohim pikat me risk nga përmbytjet. Do të kemi mundësi që me pak burime të marrim më shumë.

Ne sapo kemi shtruar bazën e kësaj VKM-je, por ky është një kapërcim, ky do të jetë viti i mbrojtjes civile”, tha Peleshi.

Më tej, Peleshi bëri me dije se është diskutuar një projekt, i cili do të bëhet publik së shpejti, që ka të bëjë me strehimin social të ushtarakëve.

Ai e cilësoi këtë projekt shumë të rëndësishëm, pasi do t'u japë më shumë mundësi ushtarakëve, të cilët nuk kanë shtëpi apo kanë nevojën për të marrë një kredi të butë.

“Këtë vit të gjithë ushtarakët tanë paguhen 40 % më tepër se vitin e kaluar. Kryeministri dje ka folur për strehim social për ushtrakët, apo edhe ushtarakët që kanë nevojë për një banesë apo kredi. Së shpejti do të bëjmë publik një projekt fantastik për strehimin social të ushtarakëve”, është shprehur Peleshi./ CNA.al

Lajmet e fundit nga