web counter
LEXO PA REKLAMA!

SHKARKO APP

App Store
Google Play

"Bir Selman i nënës ç'të të qaj më parë"/ Meta i "hap shpatullat" kombit e shpjegon "hyrje-daljet" nga PS

29 Shtator 2022, 19:26, Politikë CNA

"Bir Selman i nënës ç'të të qaj më

Kryetari i Partisë së Lirisë, Ilir Meta, është pyetur pasditen e sotme nëse do të bashkëpunojë me kryeministrin Edi Rama. Meta tha në emisionin “Kontrast” se nuk do të ketë më bashkëpunime me Ramën.

"Është e sigurt që nuk do të ketë më bashkëpunime me Edi Ramën. Një njeri që shkel në interesin kombëtar në mënyrë të përsëritur. Beteja ime sapo ka filluar më 25 korrik. Erdhëm në krye të betejës për të rivendosur demokracinë dhe për t’i dhënë Shqipërisë drejtimin e duhur. Po se ku do jetë Rama atë e dinë shqiptarët”, theksoi ai.

Pra papritur bashkëpunëtori me të cilin thuri plane e politika, që punuan për 4 vite për të mirën e kombit kokë më kokë, është shndërruar në një "tradhtar kombi" para syve të Metës. Në fakt, nuk kanë kaluar shumë kohë që kur Meta shprehej se me Ramën ka bashkëpunuar për interesin e kombit shqiptar.

“Unë kam qenë, jam dhe do mbetem në shërbim të popullit dhe Republikës së Shqipërisë. Çdo raport, çdo marrëveshje që kam pasur në të kaluarën ka qenë e hapur dhe në shërbim të integrimit evropian të Shqipërisë”, deklaronte Meta në maj të këtij viti.

Por ajo që nuk na shpjegon ish-presidenti është se edhe më parë ka siguruar shqiptarët për mospasjen e një bashkëpunimi, kur në të vërtetë koha ka vërtetuar se përtej deklaratave në televizione, bashkëpunime ka pasur. Duket ironike, por kështu justifikohet kjo "betejë" e re Metës së PL-së.

E teksa sheh Metën që "kacafytet" me një person me të cilin ka bashkëpunuar qindra herë, sikur të mos ishte i njëjti vlen shprehja "Bir selman i nënës ç'të të qaj më parë", pasi një politikan nuk mund t'a marrë popullin për kaq të verbër.

Ishte Ilir Meta ai që në vitin 2005 krijoi LSI, më vonë bashkëpunoi me PD, për t'u rikthyer sërish në një bashkëpunim me PS. Gjithçka është e qartë, pasi ai ka bashkëpunuar me të njëjtit persona./CNA.al





Lajmet e fundit nga