LEXO PA REKLAMA!

SHKARKO APP

Berisha përkujton Bujar Nishanin/ Me fat që e pata bashkëpunëtor

29 Shtator 2022, 20:30, Politikë CNA
Berisha përkujton Bujar Nishanin/ Me fat që e pata
Kryetari i Partisë Demokratike, Sali Berisha

Kryetari i Partisë Demokratike, Sali Berisha, e ka cilësuar veten me fat që pati si bashkëpunëtor ish-presidentin Bujar Nishani.

Gjatë fjalës së tij në aktivitetin përkujtues për ish-presidentin, Berisha tha se Nishani ishte një nga personalitetet më të çmueshme.

“Të bekuar ishim ne të gjithë që patëm një mik si ai. Për mik, më e çmuara në miqësi, është besnikëria. Bujar Nishani ishte një mik besnik, me të cilin komunikoje njësoj si me veten tënde. Diskutoje, vendosje i bindur në luajalitetin, besnikërinë e tij. Kështu që ne ishim të bekuar që patëm një mik si ai.

Edhe vendi ishte i bekuar së pari që pati një zyrtar si Bujar Nishani. Unë kam pasur fatin të bashkëpunoj, ta njoh, në të gjitha nivelet e shtetit me Bujar Nishanin. Zyrtar i përgjegjshëm, eficent, dinjitoz dhe më pas shtetar që i bënte nder vendit, nder detyrës. Me përkushtimin e tij, një nga ministrat më eficentë. President, përfaqësues nga më dinjitozët në historinë e këtij kombi.

Të dashur miq! Një politikan, shtetar, mund të ketë shumë veti. Mund ti mungojnë disa, por kryesorja e të gjithave është patriotizmi i tij, dashuria e tij.

Bujar Nishani donte kombin, dheun, flamurin e Kombit dhe i nderoi ato si pak kush tjetër. Ndaj dhe ai sot ka një vend, është dhe do të mbetet gjithnjë në zemrat tona.

Ndaj duke u përulur me nderimin më të madh, shpreh mirënjohje dhe e konsideroj veten të bekuar që pata një bashkëpunëtor si Bujar Nishani. Por edhe në PD, ai ishte një nga personalitetet më të qëndrueshme, të çmuara. Ishte një konservator i vërtetë, për të cilin, liria, familja, vendi, ishin shtyllat më të çmuara të tij”, theksoi ish-kryeministri./ B.A. – CNA.al

Lajmet e fundit nga