E fundit!

13:48 Denoncim

Investigimi/ Zbulohet kompania që ka marrë sipërfaqet publike nga Bashkia e Tiranës

Në muajin mars të vitit 2026, CNA nisi një tjetër investig...

Standardi që KPA zbatoi për të tjerë, duhet zbatuar për secilin prej tyre!

8 Prill 2026, 20:00, Opinione CNA

Standardi që KPA zbatoi për të tjerë, duhet zbatuar për

Anëtarët e Kolegjit të Posaçëm të Apelit i kanë kërkuar edhe zyrtarisht Këshillit të Lartë Gjyqësor që t;'u bëjë gati karriget si magjistratë apeli.

Në Tiranë d.m.th.!

KPA, kur këta anëtarë u zgjodhën më shumë bujë, e kishte detyrim kushtetues që të niste punën duke vendosur në vendime standardet për tri komponentët: pasurinë, integritetin dhe profesionalizmin.

Keto standarde duhet të merreshin si refereuese për vendimmarrjen e mepasme për vetë KPA-në dhe për Komisionin e Pavarur të Kualifikimit.

Nuk ndodhi asnjëherë!

KPA, nga dita e parë e deri në ditën e fundit, aplikoi standardin: rast pas rasti, sipas rastit, si të jetë rasti.

Nëse KPA do të kishte bërë atë që i kerkohej nga Kushtetuta në nisje të detyrës, që me vendimet e para, procesi do kishte ecur më shpejt, KPK do kishte të paracaktuar kriteret e vlerësimit. Sot do kishim një standard të gatshëm për t'u përdorur në vijim për çdo vlerësim nga KLP-ja dhe KLGJ-ja.

Nëse nuk vendosnin dot standard për të tjerët, sepse aq takat kishin, mund të perkthenin si standard nivelin e jetesës së vet. Dhe ai të ishte standardi vlerësues për gjithë të tjerët.

Ndërkohë Sokol Sadushi, si padrino i sistemit, u ka garantuar vendet në sistem.

Prej 3 vitesh mbahen bosh karriget për anëtarët e KPA-së. Të pavetuar, të provuar si profesionalisht të paaftë sepse kanë prodhuar malin me vendime pa standard.

Paaftësinë e demonstrojnë mininalisht me pretendimin që qënkëshin magjistratë sepse paskan pasur statusin e Gjyqtarit te Gjykatësve Kushtetuese!

E çfarë pastaj?

Gjyqtari kushtetues nuk është magjistrat! Magjistrati mund të jetë Anëtar i Gjykatës Kushtetuese, por Anëtari i Gjykatës Kushtetuese nuk është automatikisht magjistrat.

Por për Sokol Sadushin, ndonjë ushtare e Gjykatës Kushtetuese mund të transformohet gjithashtu në magjistrate.

Njëjtë siç mundet që edhe këta ish-anëtaret e KPA-së, t'i bekojë Sadushi e t'i transformojë në besimtarë të fesë Sadushiane.

Jo të gjithë domosdo!

Vetëm ata që e kanë merituar! Ka shumë kërkesa për t'u transformuar si magjistratë pa vetting dhe pa shkollë magjistrature. Njëjtë si Sadushi!