E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sfidat e Nanos për të nxjerrë policët nga zyrat luksoze!

31 Maj 2022, 19:38, Opinione Arsen Rusta

Sfidat e Nanos për të nxjerrë policët nga zyrat luksoze!

Drejtori i përgjithshëm i policisë, Gledis Nano

Për Gledis Nanon

I nderuar drejtues madhor

Mik

Shok

Policia përballë krimit jo rrallë herë është kokulur.

Asnjë krim i rëndë nuk rezulton pa përfshirje policësh prej disa vitesh. Vrasja në komisariat mes policëve ishte "kulmimi" i një situate kaotike.

Orët e pasdites në Vlorë prodhojnë pamje dramatike. Një e re gjymtuar e rrëzuar në tokë nga motori me dy policë!!!

Po afron pak e nga pak 1 vit në postin e kryepolicit, por...!!!

Krimi Urban mbetet i lartë

Zhurmat, ndotja akustike (po skizofrenojnë njerëz) ndryshe prishja e qetësisë publike. Vepër penale, por policia e rendit si del për zot.

Qarkullimi rrugor është kthyer në mankthin e të gjithëve, aq sa në rrugë pas qytetarëve edhe policë, e drejtues policie kanë po aq frikë të udhëtojnë nëse nuk ndezin fenelinat.

Lagjet, rrugicat vazhdojnë të kthehen çdo ditë në geto pasi inspektorët e zonave, shefat e komisariateve i ke thjesht me orar zyrtar, e po aq symbyllur e pa veshë për të parë e dëgjuar pasi joshen nga %.

Xhamazinjtë sfidojnë këdo, shpesh edhe makinën tënde zyrtare, pa e ditur se aty është kryepolici!!!

Pate fatin të jesh në këtë post në moshën më të re, por riciklimi i drejtuesve të vjetër. Hiq këtu e ço aty me arnime. Kanë treguar e po të faktojnë se janë shkopinj nën rrota.

S'po flas për drogën, jo se nuk është shqetësim madhor e jetik. Por aq keq ka degraduar krimi urban sa njerëzit, publikun, qytetarët sot i ke në dilemë.

Nxirri policët nga zyra e mjetet luksoze, nxirri aty në komunitet në lagje, rrugë e rrugica të bashkëjetojnë me njerëzit.

Në të kundërt ata së bashku me ty do e shohin Shqipërinë nga kolltuku i zyrave ku çdo gjë shkon mirë.

Për fat s'kemi akte terroriste, por kjo s'do të thotë se s'ka krime. Ka aq shumë dhunë e krime sa frika e shkaktuar te njerëzit është më e lartë se e një akti terrorist.

Policia mund të kapë 1 ton kokainë e është super sukses. Ndërsa krimet urbane janë ato që kanë marrë peng rrugica, lagje e qytete sot. Aq sa "baby gang" e njohur si terminologji krimi, po i çon të rinjtë 13-35 vjeç nga rruga e universitetit drejt rrugës me arrestime pafund, dënime modeste e nesër me epitetin "i forti", "bosi", "capo", "el chapo".

I nderuar z.Nano, krimet mjedisore, krimet me sektorin e ushqimeve, krimet financiare, parandalimi, janë korsia ku kërkohet prania juaj.

Nuk përbën më as lajm e as ndikim në siguri e rend kapja e sirianëve klandestinë apo e masazhatoreve që ofrojnë joshje duke shitur trupin.

Pastrimi i parave

Krimi ekonomik

Korrupsioni

Krimet e rrugës

Qarkullimi rrugor

Krimet në shkolla

Siguria ushqimore

Krimet mjedisore

Krimet kompjuterike

Janë sfidat e policisë që ti drejton. As e imagjinoj se ti s'do, a ti s'mundesh. E di që i vetëm kjo është si lufta me mullinjtë e erës, por më mirë të dështosh prej një stafi që s'të ndjek ritmin sesa të mbash një staf me kostume dhe kollare, mjete luksi, që punon kundër intersit PUBLIK.

Vera e sezoni nisën, strategjia e krimit ti e di zbatohet direkt pa humbje kohe. Aq sa duket si "Ferrari" me "Fiat" mes atyre, jush e nesh që presim siguri e rend nga ju.

Uroj që ky të jetë një lexim i gabuar, e të kesh të drejtë ti./E.K-CNA.al