web counter
LEXO PA REKLAMA!

SHKARKO APP

App Store
Google Play

E fundit!

x

Nga Hysni Gurra/ Kryeministri: Serbia t’i kërkojë falje Kosovës

1 Qershor 2023, 21:45, Opinione Hysni Gurra
Nga Hysni Gurra/ Kryeministri: Serbia t’i kërkojë falje
Gazetari Hysni Gurra

Serbia duhet t’i kërkojë falje Kosovës dhe ta njohë si shtet të pavarur, tha dje kryeministri në fjalën e tij në forumin e sigurisë Glbsec 2023 që u zhvillua në Bratislavë.

Kryeministri nënvizoi se mes dy shteteve duhet të normalizohen marrëdhëniet.

“Mendimi ynë për Kosovën, para së gjithash, dëshirojmë të shohim stabilitet, paqe dhe zgjidhje të shpejtë të këtij incidenti që ndodhi, disa ditë më parë, ku u plagosën disa pjesëtarë ushtarakë të KFOR-it, kjo është e para”, tha kryeministri.

“E dyta është se ne jemi të vetëdijshëm për situatën delikate të ekuacionit përfundimtar të situatës së Kosovës. Mënyra se si unë e kuptova në shumë aspekte qëndrimin e lidershipit të Kosovës është si vijon në raport me Beogradin, apo me Serbinë në përgjithësi, dhe do ta përmbledh në tri fjalë; kërkim falje për agresionin e Millosheviçit, njohje dhe pastaj normalizim. Me pak fjalë ky është qëndrimi që ne të gjithë mund ta nxjerrim nga baza e qëndrimit të Kosovës, gjë që është plotësisht e kuptueshme. Në të njëjtën kohë që cilido lider politik në Serbi që do e njohë Kosovën, nuk mendoj se ka shumë perspektivë karriere në politikë atje. Kjo e bën zgjidhjen shumë të komplikuar”, tha ai.

Ashtu sikundër pritej Kryeministri ishte në një linjë me politikën dhe qëndrimin e lidershipit të Kosovës.

Ai bëri thirrje edhe që situata të qetësohet në veri.

“Ta lëmë të kaluarën në të kaluarën dhe gjithçka do të jetë mirë në të ardhmen”, shtoi ai. “Pra, ajo që duhet të bëjmë është të lehtësojmë bisedimet, të qetësojmë situatën menjëherë dhe të gjejmë zgjidhje se si pjesa veriore e Kosovës, ku serbët janë shumicë, të cilët bojkotuan zgjedhjet kohët e fundit, mund të marrin pjesë në procesin demokratik, kjo është thelbësore, pa pjesëmarrje në procesin demokratik nuk po dërgoni sinjale të ndërtimit të besimit dhe bashkëjetesës në një pjesë shumë të vogël të vendit”, shtoi ai.

Protesta e serbëve në veri nisi të premten dhe nuk munguan as përleshjet me policinë e Kosovës dhe ushtarët e KFOR-it, 30 prej të cilëve mbetën të plagosur.

Kryeministri kroat i bëri këto deklarata ndërkohë që tensioner në Veri të Kosovës ende nuk janë shuar.

Kryeministri i Shqipërisë asnjëherë nuk ka deklaruar kaq hapët dhe qartë mbështetjen për Kosovën.





Lajmet e fundit nga