LEXO PA REKLAMA!

SHKARKO APP

App Store
Google Play

E fundit!

x

Kryespakistët që luajnë kungulleshkash

1 Prill 2023, 22:10, Opinione CNA

Kryespakistët që luajnë kungulleshkash
Kur ish-drejtuesi i SPAK, Arben Kraja, duhet të justifikonte absurdin e mos bllokimit të inceneratorit të Tiranës edhe pse aty ishte provuar korrupsion, gjeti shpëtim tek deklarata e famshme që hetimet për këtë çështje janë komplekse. Zoti Kraja iku. Por sikleti i inceneratorit mbeti aty. Tani halli për të justifikuar të pajustifikueshmen i ka rënë pasardhësit të tij.

Një ditë më parë, kreu aktual i SPAK, Altin Dumani, i ra fyellit në të njejtën vrimë. Vetëm se ky u tregua pak më kreativ dhe në vend të termit kompleks përdori një fjalë me shqip.

“Hetimet për inceneratorin e Tiranës janë shumë të vështira, pasi nuk dihet kush jane pronaret reale”- tha zoti Dumani.

Ka një lojë të njohur për fëmijët, qe quhet loja e kungulleshkës. Baza e lojes është thjesht teka e zgjedhjes së një numri kot dhe mbrotja e tij pa asnjë argument. Ndoshta zoti Kraja dhe zoti Dumani nuk kanë luajtur kur kanë qenë fëmijeë. Por është e sigurtë qe u ra halli të luajnë kungulleshkash në moshë madhore.

Justifikimi i kreut të SPAK, që ne nuk e bllokojmë dot inceneratorin pasi nuk gjejmë dot se kush janë pronarët reale është po aq absurd sa fakti qe qeveria shqiptare paguan para për një kontratë korruptive, të cilat shkojnë në llogarinë e disa personave që policia e qeverisë kërkojnë t’i arrestojë

Ka një mënyrë shumë efektive për të gjetur se kush janë pronarët e vërtetë të inceneratorit të Tiranës. Kjo është bllokimi i pagesave. Kur mbyllet rubineti i parave, hajdutët e nxjerrin vetë kokën nga shkurret e offshoreve ku fshihen. Zoti Dumani dhe të gjithë prokurorët e SPAK këtë e dine shume mire. Dhe do ishin shume me serioze dhe te besueshem nëse do thonin, që ne e dimë kush janë pronarët, ndaj nuk e bllokojmë dot. Por siç e thashç, këtyre u ra halli të luajnë kungulleshkash në moshë madhore. Ndërsa shqiptarëve, u ka rënë halli të paguajnë.

Të gjitha justifikimet për mos sekuestrimin e inceneratorëve janë manipulim intelektual. E vetmja rezervë këtu është përdorimi i termit intelektual se në fakt, justifikimet janë realisht banale.

Qeveria për shembull na thotë, që nuk mund t‘i bllokojmë dot pagesat se na mbytet Tirana me plehra.

Mjerë Tirana c’paska hequr përpara se të gjendeshin 3 shpëtimtaret, Mertiri, Zoto dhe Gugalla. Sigurisht që këta do ishin shumë më seriozë po të thonin, që nuk e sekuestrojmë dot dhe Tiranën se kemi hall mos mbingarkojmë Farudin Arapin më shumë punë. Por nejse, qeveria është në konflikt interësi këtu.

Ajo që nuk duhet te ishte në konflikt interesi, është prokuroria. Por këta ose kanë frikë ta hapin purset e qelbur të Inceneratorit të Tiranës, ose kanë rënë dhe vet brenda në të.

Njësoj si tek ai skeci brilant me të ndjerin Koço Devole: ne presim shpëtim nga segmentet, por segmentet na paskan rënë vetë brenda. Ndaj shqiptarëve u mbetet vetëm të paguajnë paratë me vetëdijen e plotë se ato po vidhen. Dhe të shijojnë kungulleshkat që luan SPAK-u.

Lajmet e fundit nga