LEXO PA REKLAMA!

SHKARKO APP

Belindi si Trump

6 Maj 2023, 11:36, Opinione Hysni Gurra

Belindi si Trump

Shumëkush kur sheh titullin që kam përdorur do thotë çfarë paska marrë përsipër të krahasojë (të pakrahasueshmen) ?!

Mos u nxitoni, se nuk është thjeshtë një titull i “guximshëm”.

Kam ndjekur fushatën presidenciale në Amerikë në vitin 2016 me detaje. Ndoshta nga të rrallët që kisha bindjen se Donald Trump po bëhej President i SHBA-ve. Kush më ka ndjekur dhe ka kujtesë mund ta kujtojë këtë.

Kur në Partinë Republikane po zhvilloheshin Primaret, kundërshtarët e repoblikanëve, mediat tradicionale të majta dhe kolumnistë të famshëm kishin një entuziazëm të papërmbajtshëm, sepse ndienin që Primaret do t’i fitonte Trump. Një kandidat atipik dhe në gjykimin e establishmentit më i lehti për t’u mundur nga demokratët me në krye Hilari Klintonin.

Sapo filloi gara elektorale mes Trump dhe Hilarit në SHBA u krijua idea se fitorja e Hilarit do të ishte thjeshtë një formalitet.

Në të gjitha mediat tradicionale Trump cilësohej si i çmendur, hajvan, kandidat i dobët etj.
Aq shumë dominoi kjo propagandë sa mori guximin edhe një politikan i çmendur nga një “fshat” i Europës Juglindore që të dalë me zë dhe figurë te CNN dhe të thotë se Trum është rrezik për botën, është i çmendur…

Ndërkohë shihja vazhdimisht se në mjetet e reja të komunikimit në internet, rrjetet sociale Facebook dhe Twitter - Trumpi dominonte totalishta fushatën. Qytetarët e pëlqenin, dhe krijonin interaktivitet të lartë në postimet e tij.

Ishte duke u folur amerikanëve drejtpërdrejt, duke u shpjeguar projektin e tij dhe premtimet, ata e besonin dhe e pëlqenin.

Në fund rezultoi se fushata e Trump edhe pse u çensurua ne median tradicionale ishte tepër efikase në rrjetet sociale dhe shpartalloi një nga peshat më të rënda të politikës amerikane, siç ishte Hilari Klinton.

Kjo u vërtetua më pas me çensurën e pashembullt që iu bë Trumpit president në rrjetet sociale. Turpi më i madh i Amerikës në shekullin e fundit si vend i fjalës së lirë.

Ejani në Tiranë. Gara elektorale për Bashkinë më të madhe të vendit.

Belind Këlliçi, një djalë i ri, me një artikulim politik krejtësisht të vetin, origjinal, përballet me Erion Veliajn, i cili kërkon mandat të tretë.

E keni parë Belindin që ka një stil artikulimi krejtësisht origjinal??? Nuk imiton kënd, flet thjeshtë, hyn mes qytetarëve të Tiranës dhe u flet atyre për projekte ‘tokësore’, të thjeshta e të realizueshme.

Por çfarë është tjetër e ngashme me fushatën elektorale të 2016 në SHBA?

Belindi vetë, premtimet e tij, njerëzit që mbështesin atë çensurohen në mënyrë të pashembullt nga media tradicionale. Në fillim u nënvlerësua totalisht si kandidat. U tentua që të krijohet bindja në popull se nuk ka garë në Tiranë. Se Veliaj fiton etj, etj.

Por njëlloj si me Trump, Belindi mori çdo ditë e më shumë terren në rrjetet sociale, edhe aty duke garuar si i pabarabartë, qoftë për nga mjetet finaciare, qoftë për nga burimet njerëzore krahasuar me kundërshtarin.

“Megjithë përdorimin e resurseve shtetërore në fushatën virtuale për zgjedhjet vendore, mesazhi i Partisë Socialiste (Veliajt) në garën për bashkitë kyçe të Tiranës nuk po bën jehonën që pritej në ‘Facebook.’”, -shkruan Besar Likmeta në një analizë të tijën në lidhje me dominimin e Këlliçit në rrjetet sociale.

Sipas të dhënave të‘Crowdtangle’, hulumtuar nga BIRN, për tre javët e para të fushatës zgjedhore tregojnë se Veliaj ka marrë më pak shikime në videot e të tij elektorale në ‘Facebook’ në krahasim me ish-deputetin Belind Këlliçi, i cili ka 71 mijë ndjekës.

Nga data 14 prill deri me 5 maj, Këlliçi regjistroi 4.01 milionë shikime (video views) në Facebook, në krahasim me 3.17 milionë shikime të regjistruara nga kryebashkiaku Erion Veliaj.
Kjo gjë ka shtyrë Veliajn të harxhojë deri në 2 mijë dollarë në ditë për reklama në Facebook.
Pra, edhe pse ka gjysëm milioni ndjekës në Facebook, dhe Këlliçi vetëm 70 mijë, sërish ky i fundit është më produktiv dhe më i preferuari i njerëzve.

Edhe pse u munduan nëpër mediat tradicionale ta çensurojnë e ta pengojnë, Belind Këlliçi arriti t’i mposhtë. Premtimet e tij, komunikimi i tij publik ngjitën, krijuan një kimi me publikun dhe tejkaloi çensurën.

A do të përkthehet kjo në votë më 14 maj? Ashtu si në rastin e Trump, unë besoj se po, por sigurisht di edhe që jemi në Shqipëri, ku vota blihet, merret me presion e shantazh ndaj administratës dhe vidhet.

Këlliçi betejn ku nuk ndodh kjo (në rrjet) e ka fituar, tani i mbetet të mobilizohet të mbrojë fort vullnetin e qytetarëve të Tiranës dhe nëse e bën këtë, sigurisht që do të ndodh njëlloj si me Trump në vitin 2016. Të gjithë treguesit janë njëlloj.

20:15 Opinione Lutfi Dervishi

Fushatë koreografike

Kërcen kryeministri. Kërcen shefi i grupit parlamentar...

21:22 Opinione Ardi Stefa

Fisheku në pajë…

Një malësor vendosi që të martohej, pasi i kishte ardh...

Lajmet e fundit nga