LEXO PA REKLAMA!

SHKARKO APP

“Ti shpik sëmundje”/ Luizi, debate të ashpra me Diolën: Po viktimizohesh

23 Janar 2023, 21:36, Lifestyle CNA

“Ti shpik sëmundje”/ Luizi, debate të ashpra me

Debate të ashpra janë regjistruar në shtëpinë e “Big Brother VIP 2” mes Luiz Ejllit dhe Diola Dostit, pas deklaratës së këngëtarit se nutricionistja “merr frymë kot”.

Kjo e fundit nuk e ka pritur aspak mirë këtë deklaratë dhe mbrëmjen e djeshme ka pasur një përplasje mes tyre. Diola ka pretenduar se Luizi ka prekur fëmijët e saj duke u shporehur në atë mënyrë.

“Vajzat e mia atë natë kanë qenë duke e parë atë natë me të atin dhe partneren e tij, që mund të jenë edhe duke fërkuar barkun nga një fjalë e thënë nga ti. E kjo nuk është e lehtë, kështu që ti duhet të mendohesh mirë Luiz para se të flasësh. Se nuk doja të ta thoja, aq më pak në këtë gjendje të ngarkuar, se bëmë edhe pemën e jetës. E po ta them shumë sinqerisht, ti ke prekur fëmijët e mi. E mua kjo gjë më prek shumë, e di pse më prek Luiz? Sepse ti je ai që ke thënë se kam një motër me 3 kalamaj. Dakord? Dhe ato vajza që e dinë shumë mirë jetën time, e ti thotë dikush ato fjalë, aq më pak ti që kam luftuar për ju të dy, të dalë e të thotë merr frymë kot. Dhe kur ta dëgjosh pemën e jetës sime do e kuptosh se nuk marr frymë kot. Unë nuk jam vetëm këtu, hajde sqaroi vajzat e mia në çfarë kuptimi e ke thënë ti. Ajo është gjëja më e ulët që ti ke bërë. Ti më ke fyer duke më thënë që merr frymë kot”, tha ajo e revoltuar.

Luizi u shpjegua se nuk e kishte fjalën për jetën e saj personale, por për lojën që po bën brenda shtëpisë.

“Unë përballë kam Diolën, as vajzat, as ish-burrin a ku di unë. Për aq sa shoh unë që bën ti në shtëpi, unë do të sulmoj”, u shpreh ai.

Por krisja e marrëdhënies së tyre ka vijuar me debate të tjera edhe gjatë ditës së sotme. Konkurentja Nita Latifi ka treguar për problemet e saj me shëndetin dhe këtë rast diola e ka shfrytëzuar për të thumbuar Luizin për mendimet që ky i fundit ka shprehur për banorët e rinj.

Unë nuk kam gjykuar njeri për problemet dhe gjërat që kanë jashtë, unë kam gjykuar lojën që bëjnë në shtëpi. Nuk më intereson për jashtë, të gjithë kemi probleme dhe familje”, tha këngëtari.

E ndërsa Diola iu përgjigje me tone të ashpra, duke thënë se: “Ty nuk të marr në konsideratë fare. Nuk jam nga ato që ul karakerin tim dhe bëj lojë të keqe për 100 mijë euro. Ti shpik sëmundje”.

Nga ana tjetër, Luizi u shpreh: “Me ty që përdor fëmijët e tu për tu viktimizuar, flasim bashkë. Ty do të them fjalën që është bërë hit këtu, do të të shkatërroj, me atë që bëre”./ B.A. – CNA.al

Lajmet e fundit nga