web counter
LEXO PA REKLAMA!

SHKARKO APP

App Store
Google Play

“Për 10 milionë euro do ta shisja”/ Rovena Dilo zbulon arsyen pse nuk do të jetë pjesë e "BBV"

23 Prill 2024, 10:29, Lifestyle CNA
“Për 10 milionë euro do ta shisja”/ Rovena Dilo zbulon
Këngëtarja Rovena Dilo

Këngëtarja Rovena Dilo ka zbuluar arsyen pse nuk bëhet pjesë e realityshow-ve si "Big Brother VIP" apo "Love Island".

Gjatë një interviste në emisionin "Aldo Morning Show", këngëtarja ka thënë se nuk i pëlqen që emri dhe mbiemri i saj të lidhen me një program.

Ajo thotë se do të bëhej pjesë nëse çmimi do të ishte 10 milionë euro, por kjo nuk ndodh në asnjë vend të botës dhe kështu zgjedh të mos bëhet pjesë e realityshow-t.

"Unë nuk është se s’kam pasur kërkesë për të hyrë në 'Big Brother VIP'. Po ku di unë, pyet ata që më kanë ftuar… Kërkesa ka qenë e përvitshme për të hyrë në 'Big Brother VIP', por unë kam zgjedhur të mos bëhem pjesë, sepse unë e dua shumë emrin dhe mbiemrin tim, pra unë jam Rovena Dilo dhe unë nuk dua kurrë të bëhem Rovena e 'Big Brother'-it. Nuk do ta shisja këtë ose do ta shisja me 10 milionë euro që askush s’t’i jep. Jo në Shqipëri, por në asnjë vend të botës, kështu që jam shumë në rregull.”

Ndërsa rezerva të mëdha ka edhe për "show"-n "Love Island".

"Aq më keq pastaj 'Love Island'. 'Love Island' është një program që… nuk e di, kaq e mirëinformuar jam unë.”

Sipas këngëtares çdo njeri në jetë ka momentet e tij të këqija' por i zgjedh vetë nëse do t’i shfaqë ato në publik apo jo.

“Unë dal në skenë, këndoj dhe interpretoj, pra unë jap më të mirën, unë jap maksimumin e Rovenës për këtë publik. Pse duhet ky publik që më ka dëgjuar mua, më ka parë të këndoj 'Dorëzohem', 'Rrëfimin', 'Andej tokës time', duhet të më shohë mua në një gjellë? Unë e quaj këtë lloj… Jo duke ngrënë, por të më shohë mua në një gjellë, e thashë në kuptim metaforik, të më shohë mua në më të keqen time."/ CNA





Lajmet e fundit nga