LEXO PA REKLAMA!

SHKARKO APP

Fakti/ Pse keni dhimbje koke kur ndryshon moti?

2 Shtator 2022, 12:03, Kuriozitete CNA
Fakti/ Pse keni dhimbje koke kur ndryshon moti?
Foto ilustruese

Nëse nuk e keni ditur deri tani, për nëse iu dhmeb koka nga ndryshimi i temperaturës, atëherë ju me siguri keni çrregullimin e metoropatisë.

Simptomat në fakt janë të ndryshme në persona të ndryshëm dhe kjo varet nga situata specifike meterologjike. Tek disa individë shfaqen: dhimbje koke, dhimbje muskujsh dhe kyçesh, ndryshime në humor, rritje të papritur të presionit të gjakut etj.

Njerëzit që kanë stres të vazhdueshëm për shkak të stilit të jetesës, apo situatave ku ndodhen janë më të ndjeshëm ndaj ndryshimeve të motit, sepse enët e tyre të gjakut janë në një gjendje spazme të vazhdueshme për shkak të hormoneve të stresit, kështu që është shumë më e vështirë për ta të zgjerohen ose ngushtohen kur ndryshon moti.

Por çfarë mund t’ju ndihmojë nëse keni dhimbje koke si pasojë e motit:

Dush

Uji i alternuar i temperaturave të ndryshme stimulon tkurrjen dhe zgjerimin e enëve të gjakut.

Aktivitet fizik intensiv

Vrapi, noti ose ecja e shpejtë duhet të jetë një nga aktivitetet që bëni çdo ditë. E gjithë kjo rrit rrahjet e zemrës dhe rrjedhjen e gjakut, gjë që bën që enët e gjakut të zgjerohen. Rrjedha e gjakut zvogëlohet në fund të stërvitjes dhe enët e gjakut ngushtohen.

Fakti/ Pse keni dhimbje koke kur ndryshon moti?

Masazh

Dhimbja e shpinës dhe ngurtësimi i qafës janë të zakonshme tek njerëzit që rrinë ulur pjesën më të madhe të ditës. Masazhi i rregullt i shpinës dhe qafës mund t’ju lehtësojë dhimbjen dhe tensionin. Përveç kësaj, masazhi përmirëson qarkullimin e gjakut në tru.

Dilni në ajër të pastër

Kaloni sa më shumë kohë jashtë, mundësisht në natyrë. Në fundjavë, përpiquni të shkoni në një pyll, një park të madh ose një mal, në mënyrë që të merrni pak ajër të pastër.

Kujdes dietën tuaj

Ushqimet e pasura me magnez rekomandohen për këdo që vuan nga dhimbja e kokës. Përfshini arra, brokoli, fasule dhe perime jeshile në dietën tuaj. Përveç kësaj, do të përfitoni edhe nga ushqimet e pasura me vitamina B, si vezët, qumështi, salmoni, farat,  midhjet.

Bëni një pushim të mirë

Pushimi është i nevojshëm që trupi të funksionojë mirë. Mundohuni të mos e sillni stresin në shtëpi dhe kaloni kohën tuaj të lirë duke pushuar, me njerëzit që doni dhe që ju mbushin me energji pozitive. Kaloni më shumë kohë jashtë, në ajër të pastër dhe më pak kohë para televizorit.

Mundohuni të shkoni në shtrat deri në orën 11 të natës dhe të flini të paktën 7 orë./ CNA.al

Lajmet e fundit nga