E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Një “projekt europian”/ Krijohen perdet e reja mbretërore për Operën e Londrës

22 Prill 2026, 13:35, Kulturë CNA

Në një studio brenda Pallatit Hampton Court në Londër, qëndistaret po punojnë me saktësi mbi monogramin e Mbretit Charles III, i cili do të zbukurojë perdet e reja të skenës në Shtëpinë Mbretërore të Operës. Ky punim i artë, i realizuar me fije të shndritshme ari mbi kadife të kuqe, shënon zëvendësimin e parë të perdeve pas 27 vitesh, duke pasuar ato që mbanin simbolin e Mbretëreshës Elizabeth II. Mjeshtret e Shkollës Mbretërore të Qëndisjes po përdorin një kombinim të makinave digjitale për skajet e mprehta dhe qepjes me dorë për detajet komplekse si Kurora Tudor, perlat dhe efektet e gëzofit. Marg Dier, një nga qëndistaret e larta, shpjegon se çdo qepje duhet të jetë jashtëzakonisht e sigurt pasi perdet do të jenë në lëvizje të vazhdueshme gjatë mijëra shfaqjeve që priten në të ardhmen.

Një “projekt europian”/ Krijohen perdet e reja mbretërore

Projekti ka një karakter të spikatur ndërkombëtar, pasi pas përfundimit të qëndisjes në Londër, materialet dërgohen në punishten Gerriets në Volgelsheim, në kufirin mes Francës dhe Gjermanisë. Aty, rrobaqepësit montojnë simbolet mbretërore mbi perdet gjigante të bëra nga kadifeja speciale mohair. Menaxheri i projektit, Andreas Fraemke, thekson se ky është një projekt i mirëfilltë europian që bashkon dizajnin britanik me prodhimin gjerman dhe francez. Perdet janë projektuar me katër shtresa pëlhure për të garantuar izolimin akustik midis skenës dhe publikut, duke peshuar dhe mbuluar një hapësirë prej rreth 10 metrash lartësi.

Një “projekt europian”/ Krijohen perdet e reja mbretërore

Vëmendja ndaj detajeve është maksimale, veçanërisht për faktin se sot shfaqjet transmetohen drejtpërdrejt me kamera të cilësisë së lartë që kapin çdo element nga afër. Për këtë arsye, stafi i Shkollës Mbretërore të Qëndisjes ka punuar me dorë për të krijuar rrudha natyrale në kadifenë e kurorës dhe për të pasuruar pamjen e gurëve të çmuar. Këto perde të reja monumentale, të cilat përfaqësojnë një epokë të re për institucionin prestigjioz të Londrës, do të zbulohen zyrtarisht për publikun më 14 maj 2026, gjatë Galasë së Pranverës./ Marrë nga Reuters