LEXO PA REKLAMA!

SHKARKO APP

App Store
Google Play

E fundit!

x

Zbardhet vrasja e “Arjanit të Vogël”/ Autoritetet belge gjejnë porositësin dhe ekzekutorët

28 Nëntor 2022, 23:25, Kronika CNA

Zbardhet vrasja e “Arjanit të Vogël”/ Autoritetet belge

Autoritetet belge kanë zbardhur vrasjen e Arjan Spahiut, i cili u ekzekutua në vitin 2020 në Bruksel.

Vrasjen e “Arjanit të Vogël”, autoritetet belge dyshojnë se e ka porositur Franc Çopja nga Elbasani, i cili prej vitesh jeton në Dubai.

Për sa u përket ekzekutorëve, belgët akuzojnë Florenc Meçen alias Gega si dhe Elvis Muratin, të dy të dyshuar si të arrestuar në Spanjë e Gjermani.

Mendohet se prishja e pazareve ka qenë arsyeja e përplasjeve të Çopjas me kreun e klanit kundërshtar, Erjon Alibej, i njohur me nofkën “Krymi”.

Ky i fundit, mori drejtimin e grupit pas vrasjes së vëllait Endrit Alibej apo “Tarzanit”, xhaxhait të tij Arben Dylgjeri dhe një shtetasi turk në dhjetorin e 2018, në “masakrën e Bradasheshit”.

“Arjani i Vogël”, krushk me Erjon Alibejn konsiderohej si financier i grupit.

Kujtojmë se Spahiu u ekzekutua në një pritë mafioze në 28 nëntor të 2020-ës në kryeqendrën e Europës.

Ai u qëllua me armë zjarri sapo doli nga një lokal në zonën e Molenbek. 38 vjeçari ishte nën shoqërinë e mikut të tij, Florian Narazani./ B.A. - CNA.al

Lajmet e fundit nga