web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen detaje nga vrasja e 63-vjeçarit në Vlorë/ Në kërkim tre persona

4 Prill 2026, 10:12, Kronika CNA

Zbardhen detaje nga vrasja e 63-vjeçarit në Vlorë/ Në

Detaje të reja janë zuluar nga ngjarja e rëndë e ndodhur pasditen e së premtes në Vlorë ku pas një konflikti banal mbeti i vrarë një 63-vjeçar.

Sipas burimeve nga policia e Vlorës, ngjarja ka ndodhur për një konflikt të disa ditëve më parë që djali i viktimës, i cili edhe ai mbeti i plagosur lehtë dhe mori ndihmën mjekësore në spital, ka pasur me personin, i cili ka goditur të atin e tij me grushte e shkelma dhe për pasojë ky i fundit ka gjetur vdekjen.

Babë e bir kanë shkuar në rrugën “Gjergj Araniti” për të gjetur autorin e ngjarjes dhe sqaruar konfliktin. Autori ka qenë në makinë në ato momente me familjen e tij. Kanë debatuar me fjalë dhe më pas situata ka degraduar në fyerje e sharje. Më pas në konflikt kanë ndërhyrë edhe dy shokë të tij. Aty ka nisur një konflikt fizik mes palëve duke u zënë me grushte.

Autori e ka goditur 63-vjeçarin dy herë me grushte dhe një herë tjetër me shkelm. Viktima është përplasur në tokë, ku për pasojë ka gjetur vdekjen. Mësohet se viktima ka pasur edhe probleme në zemër ku është operuar më parë dhe krahas goditjes mund të ketë qenë një ndër faktorët që i ka shkaktuar vdekjen.

Autori së bashku me dy shokët e tij më pas janë larguar me makinë nga vendi i ngjarjes dhe janë shpallur në kërkim. Viktimës i kanë djegur edhe automjetin rreth një muaj më parë, por siç konfirmohet nga policia kjo ngjarje s’ka lidhje me djegien e makinës që ka pasur viktima. /CNA





Lajmet e fundit nga