web counter
LEXO PA REKLAMA!

SHKARKO APP

Mbante armë zjarri dhe municion luftarak pa leje/ Vihet në pranga 66-vjeçari në Berat

2 Prill 2026, 09:56, Kronika CNA

Mbante armë zjarri dhe municion luftarak pa leje/ Vihet në pranga

Një 66-vjeçar është arrestuar në Berat pasi mbante pa leje armë zjarri dhe municion luftarak. Në pranga është vënë shtetasi me iniciale B.T.

Sipas informacioneve, gjatë kontrollit të ushtruar në magazinën e tij, u gjetën dhe u sekuestruan në cilësinë e provës materiale: 1 pushkë, 1 çifte, si dhe municion luftarak.

Njoftimi i policisë:

Berat/Mbante armë zjarri, armë gjahu dhe municion luftarak pa leje në magazinë, vihet në pranga 1 shtetas.

Specialistët e Seksionit për Hetimin e Krimeve në Komisariatin e Policisë Berat goditën një rast të mbajtjes pa leje të armëve dhe municionit luftarak.

Si rezultat i veprimeve, u arrestua në flagrancë shtetasi B. T., 66 vjeç, banues në fshatin Galinë, Berat, pasi gjatë kontrollit të ushtruar nga shërbimet e Policisë në magazinën e tij, u gjetën dhe u sekuestruan në cilësinë e provës materiale: 1 armë zjarri (pushkë), 1 armë gjuetie (çifte), si dhe municion luftarak, të cilat ky shtetas i posedonte pa leje.

Materialet procedurale i kaluan Prokurorisë, për veprime të mëtejshme. /CNA





Lajmet e fundit nga