web counter
LEXO PA REKLAMA!

SHKARKO APP

App Store
Google Play

E fundit!

x

I moshuari në Korçë u gjet i pajetë/ Zbardhen detaje, ja çfarë dyshohet

2 Prill 2026, 12:34, Kronika CNA

I moshuari në Korçë u gjet i pajetë/ Zbardhen detaje, ja

Janë zbardhur detaje të reja lidhur me humbjen e jetës së një 78-vjeçari në fshatin Bulgarec në Korçë. Sipas informacioneve, në trupin e të moshuarit me iniciale G.V., janë konstatuar shenja dhune.

Dyshimet nga grupi hetimor janë që i moshuari është goditur me sende të forta. Ende po bëhet këqyrja paraprake, ndërsa trupi do të dërgohet në morgun e spitalit të Korçës për ekspertizë të mëtejshme. Ndërkohë pritet një njoftim zyrtar lidhur me rastin.

Mësohet se i moshuari ishte i divorcuar dhe jetonte i vetëm në banesë prej 25 vitesh. Viktima ka 4 fëmijë, ku dy prej tyre jetojnë në Korçë ndërsa dy të tjerë jashtë shtetit. Në komisariat po çohen të gjithë familjarët për të deklaruar pasi nuk ka ende një motiv për ngjarjen.

Nga komunikimi zyrtar i policisë, konfirmohet se viktima ka një dëmtim në kokë ndërsa nuk përjashtohet as pista e një ngjarje aksidentale që viktima mundet të jetë rrëzuar dhe goditur kokën duke i sjellë vdekjen. Megjithatë, policia është duke hetuar në dy pista, atë të vrasjes dhe pistën e vdekjes aksidentale.

Njoftimi i policisë:

Korçë/Informacion paraprak

Mëngjesin e sotëm, në fshatin Bulgarec, Korçë, është gjetur pa shenja jete, në banesën e tij, ku jetonte vetëm, shtetasi G.(M). V., rreth 78 vjeç. Trupi i pajetë është dërguar për ekspertizë mjekoligjore, me qëllim përcaktimin e saktë të shkakut të vdekjes. Grupi hetimor, në drejtimin e Prokurorisë, po punon për zbardhjen e rrethanave të rastit. /CNA





Lajmet e fundit nga