LEXO PA REKLAMA!

SHKARKO APP

"Xhama të thyer, panik dhe plumba që vërshonin në ajër"/ Zbardhet dëshmia e vëllait të Fatjon Muratit

15 Mars 2023, 20:45, Kronika CNA

"Xhama të thyer, panik dhe plumba që vërshonin në

Masakra e “Don Boskos”, e tillë është cilësuar atentati i 12 marsit ku mbeti viktimë banakerja e lokalit dhe u plagosen 5 persona të tjerë mes tyre dhe mbesa e saj 10 vjeçe.

Lokali ndaj të cilit vërshuan plumbat ishte i Fation Murati, person emri it ë cilit është lakuar edhe më parë nga organet e drejtësisë.

Fatjon Murati është dënuar me parë për armëmbajtje pa leje dhe gjykat i kishte dhënë masën  “arrest shtëpie”, por gjatë kontrollit të policisë më 12 mars ai nuk ishtë në shtëpi.

Gazetarja Klodiana Lala ka arritur të sigurojë dëshminë e vëllait të Fatjon Muratit i cili pohoi se atë natë në lokal ka qenë sëbashku me xhaxhain e tij, kushuririn, një shok të tij dhe 2 banorë të lagjes duke parë ndeshjen.

“Natën e ngjarjes në lokal kam qenë unë, xhaxhai im Shehat Murati, djali i hallës Emanuel Çala, si edhe një shok i imi i cili quhet Astrit Memaj, si dhe dy persona të tjerë banorë të lagjes, emrat e të cilëve nuk i mbaj mend. Po kështu në lokal ka qenë edhe mbesa e vogël e banakieres, Mimozës, që e kishte vajzën e vajzës”, ka thënë Ervis Murati.

Më tej ai ka shpjeguar se lokali përdorej kryesisht nga familjarët.

 “Unë po qëndroja në këmbë duke parë ndeshjen pranë banakut. Xhaxhai im Shehati, ishte ulur në tavolinë në mes të lokalit me nipin e tij Manushin, përballë me televizorin. Ndërsa të tjerët ishin ulur në një tavolinë tjetër. Sapo filloi ndeshja dëgjova të shtëna të shumta zjarri, ku kërcitën xhamat dhe orenditë e tjera të lokalit, dhe predhat bënë flakë nëpër mure.”, tha Ervis Murati.

Ai tha se fillimisht nuk e ka kuptuar se çfarë ka ndodhur, po më vonë pa Mimozen, banakjeren e cila kishte ndërruar jetë.

 “Në atë moment u dëgjuan shumë të shtëna. Aq sa në momentet e para nuk kam kuptuar se çfarë po ndodhte ndërsa më pas jam shtrirë përtokë dhe nuk kam parë asgjë se çfarë ka ndodhur. Në atë situatë, vëllai i objektivit të atentatit, thotë se e kishte të pamundur të shikonte se nga erdhën dhe ikën autorët. Ai thotë se në atë moment, ka mundur të shquajë pa jetë banakieren e lokalit. Të identifikuar si 58 vjeçarja, Mimoza Paja. E kam pasur të pamundur të shikoj se në çfarë drejtimi kanë ardhur autorët, si edhe nga janë larguar. Kur u ngrita në këmbë, pashë që Mimoza, ishte rrëzuar në tokë dhe aty kuptova që ajo kishte ndërruar jetë. Të tjerët  pashë që kishin marrë dëmtime në pjesë të ndryshme të trupit”, ka thënë Ervis Murati./CNA.al

 

 

Lajmet e fundit nga