LEXO PA REKLAMA!

SHKARKO APP

App Store
Google Play

E fundit!

x

Zbrazën armët drejt lokalit në “Don Bosko”/ Itinerari që ndoqën autorët e atentatit

15 Mars 2023, 20:44, Kronika CNA

Zbrazën armët drejt lokalit në “Don Bosko”/ Itinerari

Të dielën e 12 marsit, Tirana u trondit nga një atentat në zonën e “Don Boskos”, ku u vra një grua dhe u plagosën 5 persona të tjerë, mes tyre dhe një fëmijë.

Mbrëmjen e sotme është zbuluar itinerari që autorët e kësaj ngjarjeje të rëndë ndoqën para se të qëllonin me breshëri armësh drejt lokalit të Fatjon Muratit.

Fillimisht mendohet se atentatorët kanë ardhur nga Kashari drejt Kthesës së Kamzës për të hyrë në Tiranë.

Kamerat e sigurisë të sekuestruara nga policia kanë pikasur automjetin e autorëve duke kaluar te rrethrrotullimi i Shqiponjës, për të hyrë në lagjen Laprakë.

Më pas, autorët kanë kaluar në rrugicën pranë Xhamisë dhe kanë vazhduar në rrugën “Anastas Shundi”, për tu ndalur te objektivi i tyre.

Në automjet kanë qenë tre persona, të cilët kanë zbazur armët drejt lokalit të mbushur me njerëz.

“Lidhur mbi ngjarjen e ndodhur më datë 12 Mars, rreth orës 21.05 në rrugën ‘Anastas Shundi’, në lokalin në pronësi të shtetasit Fation Murati. Si pasojë e të shtënave me armë zjarri nga jashtë lokalit kanë humbur jetën shtetasja Mimoza Paja, rreth 60 vjeçe, e cila ishte banakiere në lokal. Po kështu janë plagosur shtetasit Shehat Murati, Astrit Meraj, Genci Shaholli, Ermir Dajcuk, Emanuel Çala, si dhe është dëmtuar lehtë një e mitur e moshës 10 vjeç. Sipas dëshmitarëve, për t’u siguruar që askush nuk po i ndiqte autorët, qëlluan edhe në ikje e sipër.

Pasi kryen atentatin, automjeti me ekzekutorët në bord mori rrugën e kthimit nga Spitali i Traumës për të dalë më pas në autostradën Tiranë-Durrës për të marrë më pas drejtimin në të djathtë të mbikalimit të Vorës. Por ndërsa policia nuk mundi të pikaste lëvizjen e autorëve pas krimit, makina e tyre u gjet e djegur vetëm të nesërmen e ngjarjes. Edhe këtë herë, ashtu si në raste të ngjashme, jo shumë larg vendngjarjes. Në fshatin Likmetaj të Durrësit. Vetëm 3 km larg fshatit Bubq në Fushë-Krujë. Makinë e cila rezultoi e vjedhur në qytetin e Durrësit, në mars të vitit 2021. Por që nga ajo kohë pavarësisht se ishte raportuar si e tillë, policia nuk kishte mundur të binte në gjurmët e automjetit të vjedhur”, thuhet në dosjen hetimore të zbardhur në emisionin e Klodiana Lalës./ CNA.al

Lajmet e fundit nga