web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Vlorë/ Identifikohen tre autorët

4 Prill 2026, 11:27, Kronika CNA

Vrasja në Vlorë/ Identifikohen tre autorët

Policia e Vlorës ka dalë me reagim zyrtar lidhur me shpalljen në kërkim të tre personave për vrasjen e 63-vjeçarit, I. A., në Vlorë.

Sipas informacionit zyrtar policor, në kërkim janë shpallur shtetasit A. C., 31 vjeç, Xh. N., 34 vjeç, banues në Vlorë, dhe E. H., 23 vjeç, banues në Gjorëm.

Këta persona, ditën e djeshme, gjatë një konflikti për motive të dobëta në lagjen “Pavarësia 3”, kanë goditur me grushte 63-vjeçarin dhe djalin e tij. Si pasojë e goditjeve, 63-vjeçari ka humbur jetën në spital.

Njoftimi i policisë:

Vlorë / Goditën me grushte, duke i shkaktuar vdekjen 63-vjeçarit, shpallen në kërkim 3 shtetas.

Vijon puna intensive për kapjen e tyre.

Specialistët e Seksionit për Hetimin e Krimeve ndaj Personit, në përfundim të veprimeve të para hetimore të kryera për dokumentimin ligjor të ngjarjes së ndodhur më datë 03.04.2026, referuan materialet në Prokurori dhe shpallën në kërkim shtetasit A. C., 31 vjeç, Xh. N., 34 vjeç, banues në Vlorë, dhe E. H., 23 vjeç, banues në Gjorëm.

Nga veprimet e para hetimore dyshohet se këta shtetas, më datë 03.04.2026, rreth orës 15:00, në rrugën “Gjergj Arianiti”, lagjja “Pavarësia 3”, Vlorë, gjatë një konflikti për motive të dobëta, kanë goditur me grushte shtetasin B. A., 24 vjeç, dhe babain e tij, shtetasin I. A., 63 vjeç, banues në Vlorë. Si pasojë e goditjeve, shtetasi I. A. ka humbur jetën.

Po punohet intensivisht për kapjen e autorëve dhe dokumentimin e plotë ligjor të ngjarjes.

Materialet procedurale iu referuan Prokurorisë Vlorë për veprën penale “Vrasja me dashje”, e kryer në bashkëpunim. /CNA





Lajmet e fundit nga